నెట్వర్క్, వెలుగు: అభయ హస్తం హామీల అమలు కోసం దరఖాస్తులు స్వీకరించేందుకు ప్రభుత్వం ప్రజాపాలన కార్యక్రమాన్ని ప్రారంభించింది. ఇందులో భాగంగా నిర్వహించిన గ్రామసభల్లో ఆయా చోట్ల ఎమ్మెల్యేలు భాగస్వాములయ్యారు. నిజామాబాద్ సిటీలోని పలు డివిజన్లలో అర్బన్ఎమ్మెల్యే ధన్పాల్ సూర్యనారాయణ పర్యటించారు. రూరల్మండలం ఖానాపూర్, మాధవ్నగర్ గ్రామాలో జరిగిన ప్రోగ్రామ్లో ఎమ్మెల్యే భూపతిరెడ్డి పాల్గొని కార్యక్రమ లక్ష్యాలను ప్రజలకు వివరించారు.
ప్రతి ఒక్కరు సద్వినియోగం చేసుకొని దరఖాస్తులు అందించాలని సూచించారు. జుక్కల్ నియోజకవర్గం నిజాంసాగర్ మండల కేంద్రంతో పాటు అచ్చంపేటలో ఎమ్మెల్యే తోట లక్ష్మీ కాంత్రావు పాలుపంచుకున్నారు. ఆరు గ్యారెంటీలను ప్రజలకు వివరించారు. బోధన్ ఎమ్మెల్యే సుదర్శన్రెడ్డి బోధన్ టౌన్లో ని ఎల్ బీఎస్నగర్, ఎడపల్లి మండలంలోని బాపూనగర్ లో జరిగిన కార్యక్రమాల్లో పాల్గొన్నారు.
