కూసుమంచి, వెలుగు : కూసుమంచి మండలంలో నాయకన్ గూడెంలో ఏర్పాటు చేసిన కాంగ్రెస్ ఆఫీస్ను పార్టీ జిల్లా నాయకుడు పొంగులేటి ప్రసాద్రెడ్డి మంగళవారం ప్రారంభించారు. ఈ సందర్భంగా ఆయన మాట్లాడుతూ ప్రియాంక గాంధీ రోడ్ షో జిల్లా సరిహద్దు నాయకన్ గూడెం, పాలేరు మీదుగానే మొదలవుతుందని ప్రకటించారు.
పాలేరులో పొంగులేటి శీనన్న భారీ మెజారిటీ, ఇతర చోట్ల కాంగ్రెస్ అభ్యర్థుల విజయాలను కాంక్షిస్తూ ఈ రోడ్ షో నిర్వహిస్తున్నట్లు తెలిపారు. అనంతరం వార్డు సభ్యులు లిక్కి వెంకటమ్మ, నరసయ్య దంపతులతోపాటు కాంచని గురవయ్య, ఎండ్లపల్లి ఉపేందర్, రావుట్ల సాయి, కాంతయ్య, శంకర్ కాంగ్రెస్ కండువా కప్పుకున్నారు.
