భారత్, ఆస్ట్రేలియా మధ్య జరగబోయే ప్రతిష్టాత్మకమైన బోర్డర్ గవాస్కర్ ట్రోఫీ 2024-25 టెస్ట్ సిరీస్ నవంబర్ 22 నుంచి జనవరి 3 వరకు జరుగుతుంది. పాట్ కమిన్స్ నేతృత్వంలోని ఐదు టెస్టుల సిరీస్ ఆడేందుకు భారత్ ఆస్ట్రేలియాలో పర్యటిస్తుంది. ఆస్ట్రేలియాలో జరిగిన చివరి రెండు బోర్డర్ గవాస్కర్ ట్రోఫీలు భారత్ గెలుచుకుంది. దీంతో ఈ సారి ఆస్ట్రేలియా సొంతగడ్డపై ఎలాగైన ఈ ప్రతిష్టాత్మక సిరీస్ గెలుచుకోవాలని చూస్తుంది. దీని కోసం ఆస్ట్రేలియా కెప్టెన్ దేశవాళీ క్రికెట్ ఆడాలని నిర్ణయించుకున్నాడు.
Also Read:-వేలంలోకి వస్తే కోహ్లీకి రూ. 30 కోట్లు: ఐపీఎల్ ఆక్షనీర్
బోర్డర్-గవాస్కర్ ట్రోఫీకి సిద్ధంగా ఉండటానికి పాట్ కమిన్స్ ఆస్ట్రేలియా ఫస్ట్-క్లాస్ క్రికెట్ షెఫీల్డ్ షీల్డ్‌లో ఆడడం దాదాపు ఖాయమైంది. ఆస్ట్రేలియా ప్రధాన కోచ్ ఆండ్రూ మెక్‌డొనాల్డ్ తనకు ఫోన్ చేసి షెఫీల్డ్ షీల్డ్ టోర్నీ గురించి చర్చించాడని కమ్మిన్స్ తెలిపాడు. చివరిసారిగా ఫిబ్రవరి 2021లో షెఫీల్డ్ షీల్డ్‌లో కమ్మిన్స్ 9 మ్యాచ్ లు ఆడాడు. ఆస్ట్రేలియాలో అత్యంత ప్రాముఖ్యమైన షెఫీల్డ్ షీల్డ్ సీజన్ అక్టోబర్ 8న ప్రారంభమవుతుంది. కమ్మిన్స్ తో పాటు స్టార్ ప్లేయర్లందరూ ఈ టోర్నీ ఆడే అవకాశాలు కనిపిస్తున్నాయి.
నవంబర్ 4 నుంచి 18 వరకు సొంతగడ్డపై ఆస్ట్రేలియా మూడు వన్డే, మూడు టీ20 మ్యాచ్ లకు ఆతిధ్యమివ్వనుంది. ఈ సిరీస్ సమయానికి ఆసీస్ ఆటగాళ్లు షెఫీల్డ్ షీల్డ్ టోర్నీ ముగించుకొని అంతర్జాతీయ క్రికెట్ లోకి అడుగుపెడతారు. ఆస్ట్రేలియా గడ్డపై చివరగా జరిగిన రెండు టెస్టుల సిరీస్‌ను భారత జట్టు గెలుచుకుంది. విరాట్ కోహ్లీ సారథ్యంలో భారత్ 72 ఏళ్లలో తొలిసారి 2-1 తేడాతో ఆసీస్ గడ్డపై సిరీస్ గెలిస్తే.. 2020-21లో తాత్కాలిక కెప్టెన్ అజింక్య రహానే సారధ్యంలో 2-1 తేడాతో సిరీస్ గెలుచుకుంది. చివరిసారిగా 2023 లో భారత్ వేదికగా నాలుగు టెస్ట్ మ్యాచ్ ల సిరీస్ ను భారత్ 2-1 తేడాతో గెలుచుకోవడం విశేషం.
Pat Cummins, who has been rested from Australia's white-ball tour of Scotland and England next month, is eyeing a brief return to the Sheffield Shield to tune up for the Test series against India which starts in late November https://t.co/xjTfdO0rh7 pic.twitter.com/k3K3H36nks
— ESPNcricinfo (@ESPNcricinfo) August 13, 2024
