2024లో ఇంకా ఏదైనా ఒక పెద్ద సినిమా కోసం దేశవ్యాప్తంగా ప్రేక్షకులు ఎదురుచూస్తున్నారంటే అది పుష్ప-2 కోసమేనని ఎలాంటి డౌట్ లేకుండా చెప్పొచ్చు. అల్లు అర్జున్, సుకుమార్ కాంబోలో వచ్చిన పుష్ప సినిమా పార్ట్-1 ఎంత పెద్ద హిట్ అయిందో అందరికీ తెలిసిందే. బీహార్ రాష్ట్రంలో పుష్ప-2 సినిమా ట్రైలర్ లాంచ్ ఈవెంట్ చేస్తున్నారు. రేపు సాయంత్రం 5 గంటలకు (నవంబర్17, 2024) పుష్ప-2 ట్రైలర్ లాంచ్ ఈవెంట్ పాట్నాలో జరగనుంది.
ఈ ఈవెంట్ బీహార్లోనే చేయాలని భావించడంపై ట్విటర్లో, ఇన్స్టాలో మీమ్స్ వైరల్ అవుతున్నాయి. బీహార్లో అల్లు అర్జున్ పుష్ప-2 క్రేజ్ ఏ రేంజ్లో ఉందో ఒక వీడియో తెలిసొచ్చేలా చేసింది. బీహార్ యువత పుష్ప-2 కోసం, అల్లు అర్జున్ రాక కోసం ఎంత ఆత్రంగా ఎదురుచూస్తున్నారో తెలిసింది. అంతెందుకు.. అసలు తెలుగు రాష్ట్రాలను వదిలేసి బీహార్లోని పాట్నాలో ఎందుకు చేస్తున్నారో ఇప్పటికి తెలిసింది.
ఊరించింది చాలు.. అసలు ముచ్చటకు రమ్మంటారా.. పాట్నాలో జరగబోతున్న పుష్ప-2 ట్రైలర్ లాంచ్ ఈవెంట్కు శనివారం సాయంత్రమే ఎంట్రీ పాస్లు ఇచ్చారు. ఈ ఎంట్రీ పాస్ల కోసం బీహార్ యూత్ ఎగబడ్డారు. అమ్మాయిలు, అబ్బాయిలు అనే తేడా లేకుండా ఎంట్రీ పాస్ల కోసం పోటీ పడ్డారు. ఇందుకు సంబంధించిన ఒక వీడియో నెట్టింట వైరల్ అయింది. ఈ వీడియో చూసిన నెటిజన్లు బీహార్లో అల్లు అర్జున్కు ఇంత క్రేజ్ ఉండటం ఏంటని నోరెళ్లబెట్టారు.
— Cinema News (@shahzadqrsha) November 16, 2024
బీహార్ యువతకు పుష్ప పార్ట్-1 పిచ్చపిచ్చగా నచ్చేసింది. ఈ క్రేజ్ను మరింత పెంచి భారీ కలెక్షన్లు కొల్లగొట్టాలని పుష్ప-2 మేకర్స్ డిసైడ్ అయ్యారు. అందుకే పాట్నాలో పుష్ప-2 ట్రైలర్ లాంచ్ ఈవెంట్ను ప్లాన్ చేశారు. ఈ ఈవెంట్ ఎలా జరుగుతుందో పక్కనపెడితే, పుష్ప-2 బజ్ బీహార్లో ఎంతలా ఉందో ఈ ఎంట్రీ పాస్ల కోసం చేసిన హంగామాతో తెలుగు రాష్ట్రాల్లోని బన్నీ అభిమానులకు కూడా తెలిసొచ్చింది.
