Maharashtra Election Result: పనిచేయని పవన్ కళ్యాణ్ మ్యాజిక్.. బీజేపీ అభ్యర్థి ఓటమి..

మహారాష్ట్ర అసెంబ్లీ బీజేపీ నేతృత్వంలోని మహాయుతి కూటమి ఘనవిజయం సాధించిన సంగతి తెలిసిందే.. బీజేపీ గెలుపు ఒక ఎత్తైతే, ఏపీ డిప్యూటీ సీఎం పవన్ కళ్యాణ్ ప్రచారం చేసిన చాలా చోట్ల బీజేపీ ఘనవిజయం సాధించటం మరో ఎత్తు అని చెప్పాలి. అయితే.. లాతూర్ నియోజకవర్గంలో మాత్రం పవన్ కళ్యాణ్ మ్యాజిక్ పనిచేయలేదు. ఈ నియోజకవర్గంలో కాంగ్రెస్ అభ్యర్థి అమిత్ విలాస్ రావు దేశముఖ్ చేతిలో బీజేపీ అభ్యర్థి అర్చన పాటిల్ చాకుర్కర్ ఓడిపోయారు.

అమిత్ విలాస్ రావు దేశ్ ముఖ్ కి 1 లక్ష 14వేల 110 ఓట్లు పోల్ అవ్వగా.. అర్చన చాకుర్కర్ కి 1 లక్ష 6 వేల 712 ఓట్లు వచ్చాయి. 6 వేల 973 ఓట్ల తేడాతో అమిత్ గెలుపొందారు. ఈ క్రమంలో మహారాష్ట్ర ఎన్నికల్లో పవన్ కళ్యాణ్ ప్రచారం చేసిన ఎన్ని చోట్లా బీజేపీ గెలుపొందగా లాతూర్లో మాత్రం కాంగ్రెస్ గెలుపొందింది. సోషల్ మీడియా ఈ అంశంపై పెద్ద ఎత్తున చర్చ జరుగుతోంది.