పవర్ స్టార్ పవన్ కల్యాణ్(Pawan Kalyan) నటిస్తున్న లేటెస్ట్ మూవీ ఓజీ(OG). ఈ మూవీ షూటింగ్ ఎప్పుడో మొదలైనా.. కొన్ని కారణాలతో కొంత వాయిదా పడుతూ వచ్చింది. తాజాగా ఈ మూవీ షూటింగ్ శరవేగంగా సాగుతోంది. ప్రస్తుతం హీరో లేని సన్ని వేశాలను తెరకెక్కిస్తున్నారు డైరెక్టర్ సుజీత్.
నిర్మాత డీవీవీ దానయ్య భారీ బడ్జెట్తో నిర్మిస్తున్న ఈ మూవీని డైరెక్టర్ సుజిత్ తెరకెక్కిస్తున్నారు. అయితే తాజాగా ఓ అప్డేట్ నెట్టింట తెగ చక్కర్లు కొడుతోంది. ఈ మూవీలో పవన్ కల్యాణ్ కుమారుడు అకీరా నందన్ (Akira Nandan) నటిస్తున్నట్లు సమాచారం. రెండు రోజుల క్రితం అకీరాకు సంబంధించిన షూట్ కూడా ముగించారట. సినిమా చివరిలో వచ్చే కీలక ఘట్టాల్లో అకీరా కనిపించబోతున్నాడని టాక్. ఈ సన్నివేశాలు సినిమాకు హైలెట్గా నిలుస్తాయని మూవీ టీమ్ చెబుతోంది.
తమ అభిమాన హీరో తనయుడు సినీ ఇండస్ట్రీలోకి అడుగుపెట్టడంతో పవన్ అభిమానులు ఫుల్ ఖుషీ అవుతున్నారు. కాగా ఈ సినిమా వచ్చే ఏడాది సమ్మర్ లో రిలీజ్ చేసేందుకు మేకర్స్ ప్లాన్ చేస్తున్నారు.
ALSO READ | Kissik Song: పుష్ప 2 శ్రీలీల 'కిసిక్’ సాంగ్‌పై లేటెస్ట్ అప్డేట్.. రిలీజ్ ఎప్పుడంటే?
పవన్ నుండి వస్తున్న సినిమాల్లో ఓజీ సినిమాకు సెపరేట్ క్రేజ్ ఏర్పడింది. దానికి కారణం ఈ సినిమాలో పవన్ మొదటిసారి గ్యాంగ్ స్టార్ గా కనిపించనున్నారు. అందుకే ఈ సినిమా నుండి వినిపిస్తున్న చిన్న న్యూస్ అయినా క్షణాల్లో ట్రేండింగ్ లోకి వస్తోంది. ఇక ఈ లేటెస్ట్ అకీరా నందన్ ఎంట్రీ కూడా సోషల్ మీడియాలో ట్రెండ్ అవుతోంది. త్వరలో మేకర్స్ నుంచి క్లారిటీ వచ్చే అవకాశం ఉంది.
