జనసేన అధినేత పవన్ కల్యాణ్ వచ్చే నెలలో జరిగే సార్వత్రిక ఎన్నికల్లో పోటీ చేసే స్థానం ఖరారైనట్లు తెలుస్తోంది. ఆంధ్రప్రదేశ్ లోని విశాఖ జిల్లా గాజువాక అసెంబ్లీ స్థానం నుండి పవన్ పోటీచేసే అవకాశాలున్నాయని సమాచారం. ఈ సందర్భంగా ఇవాళ (మంగళవారం) జరిగిన పార్టీ కార్యకర్తల సమావేశంలో నిర్ణయం తీసుకున్నట్లు తెలిసింది. అయితే విశాఖ ఉత్తరం అసెంబ్లీ సెగ్మెంట్ నుంచి ఆ రాష్ట్ర మంత్రి నారా లోకేష్ పోటీ చేస్తున్నారని తెలుస్తుండగా… ఇప్పుడు పవన్ కల్యాణ్ కూడా గాజువాక నియోజకవర్గం నుంచి పోటీ చేసే అవకాశాలున్నాయని తెలుస్తోంది.
