- 11 పనులకు రూ.15 లక్షలు చెల్లింపు
- తనకు తెలియకుండా చెల్లించారని కలెక్టర్కు స్పెషలాఫీసర్ ఫిర్యాదు
- 'డిజిటల్సిగ్నీచర్కీ' బ్లాక్ చేసిన వైనం
- విచారణకు ఆదేశం..?
యాదాద్రి, వెలుగు : చేసిన పనులను పరిశీలించకుండానే డిజిటల్ సిగ్నీచర్ కీ (డీఎస్కే)తో పెండింగ్లో ఉన్న బిల్లులను చెల్లించేశారు. అది కూడా మండల స్పెషలాఫీసర్కు తెలియకుండా చెల్లింపులు జరిగాయి. దీంతో అప్రమత్తమైన స్పెషలాఫీసర్ కలెక్టర్కు ఫిర్యాదు చేయడంతో డీఎస్కేను బ్లాక్చేయించారు.
దీనికి సంబంధించిన వివరాలు ఇలా ఉన్నాయి..
ఎంపీపీల పదవీకాలం ముగియడంతో జిల్లాలోని 17 మండలాలకు ప్రభుత్వం స్పెషలాఫీసర్లను నియమించిన సంగతి తెలిసిందే. ఇందులో భాగంగానే సంస్థాన్నారాయణపురం మండలానికి స్పెషలాఫీసర్గా ఎస్సీ వెల్ఫేర్ఆఫీసర్ జైపాల్రెడ్డిని నియమించారు. ఎంపీడీవోగా కుమార్ బాధ్యతలు నిర్వర్తిస్తున్నారు. దీంతో వీరిద్దరికి నిర్వహణతోపాటు బిల్లుల చెల్లింపుల కోసం డిజిటల్సిగ్నీచర్కీ (డీఎస్కే)ని 'ఈ ముద్ర' ద్వారా డీపీవో ఆఫీసులోని రాజు రూపొందించారు. ఎంపీడీవో ఆఫీసులో సీనియర్అసిస్టెంట్నాగరాజుకు అందించినట్టుగా తేలింది.
అయితే స్పెషలాఫీసర్జైపాల్రెడ్డికి చెందిన డీఎస్కేను ఆయనకు కాకుండా వేరే వ్యక్తికి అందించినట్టుగా తెలుస్తోంది. కాగా 15వ ఆర్థిక సంఘం ద్వారా చేపట్టిన పనులకు సంబంధించిన పలు బిల్లులు పెండింగ్లో ఉన్నాయి. పెండింగ్లో ఉన్న బిల్లుల్లో 11 పనులకు సంబంధించిన రూ.15 లక్షల వరకు చెల్లింపులు జరిగాయి. పనులు తాను పరిశీలించకపోవడం, తనకు డీఎస్కే ఇవ్వకున్నా బిల్లుల చెల్లింపులకు సంబంధించిన ఓటీపీ మెసేజ్లు తన ఫోన్ కు రావడంతో జైపాల్రెడ్డి అలర్ట్ అయ్యారు. తనకు డీఎస్కే ఇవ్వకున్నా బిల్లులు చెల్లింపులు ఎలా అవుతున్నాయని ఆరా తీశారు.
తన మెయిల్ పాస్వర్డ్ మార్చడం ద్వారా వచ్చిన ఓటీపీని ఉపయోగించి బిల్లులను డ్రా చేసినట్టుగా గుర్తించారు. దీంతో తన డీఎస్కేను దుర్వినియోగం చేసి బిల్లులు డ్రా చేసుకున్నారని, దాన్ని బ్లాక్ చేయించాలని కలెక్టర్హనుమంతు జెండగేకు జైపాల్రెడ్డి ఫిర్యాదు చేశారు. తన అనుమతి లేకుండా బిల్లులు చెల్లింపులు చేయడంపై విచారణ జరిపించి బాధ్యులపై చర్యలు తీసుకోవాలని ఫిర్యాదులో పేర్కొన్నారు. దీంతో జైపాల్రెడ్డి డీఎస్కేను డీపీవో సునంద బ్లాక్ చేయించారు. కాగా ఈ డీఎస్కే ఇవ్వకుండా జరిగిన ఈ చెల్లింపులపై విచారణకు ఆదేశించినట్టుగా సమాచారం.
డీఎస్కే రూపొందించడం ఇలా..
మండలాలకు సంబంధించిన నిధుల వినియోగం, బిల్లుల చెల్లింపు బాధ్యత స్పెషలాఫీసర్లతో పాటు ఎంపీడీవోలకు అప్పగించింది. దీనికి సంబంధించి 'ఈ ముద్ర' ద్వారా ప్రతీ మండలానికి చెందిన ఇద్దరు ఆఫీసర్ల ఆధార్, పాన్, ఫొటో, ఈ–మెయిల్, ఫోన్ నంబర్లు తీసుకోవడంతోపాటు వీడియో కాల్ద్వారా వారిని నిర్ధారణ చేసుకొని డీఎస్కే (డిజిటల్ సిగ్నీచర్కీ) రూపొందిస్తారు. బిల్లుల చెల్లింపు సమయంలో ఇద్దరు ఆఫీసర్లు కలిసి డీఎస్కే ద్వారా బిల్లులు చెల్లించవచ్చు. ఒకరు లేకున్నా సంబంధిత ఆఫీసర్ఫోన్, ఈ–మెయిల్కు వచ్చే ఓటీపీని సబ్మిట్ చేసినట్టయితే బిల్లులను చెల్లించే అవకాశం ఉంటుంది.
