యాదాద్రి, వెలుగు: మంత్రి కోమటిరెడ్డి అన్న కొడుకు డాక్టర్ సూర్య పవన్ రెడ్డికి ‘పీసీ ఇండియన్ అచీవర్స్ అవార్డ్’ వచ్చింది. దేశంలో విద్య, వైద్యం, ఎంటర్ ప్రెన్యూర్ షిప్ రంగాల్లో విశేష సేవలు చేస్తున్న వారిని ప్రోత్సహించేందుకు ‘పవర్ కారిడార్ నేషనల్ మేగజైన్’ ఏటా ఈ అవార్డులు అందిస్తోంది.
ఇందులో భాగంగా 23 ఏండ్లుగా టైప్1 షుగర్ వ్యాధి నిర్మూలన కోసం కృషి చేస్తున్న కోమటిరెడ్డి సూర్య పవన్ రెడ్డిని ఎంపిక చేశారు. ఈ మేరకు కేంద్ర రోడ్డు రవాణా శాఖ మంత్రి నితిన్ గడ్కరీ చేతుల మీదుగా సూర్య పవన్ రెడ్డి అవార్డ్ అందుకున్నారు. ఇతనిని మంత్రి కోమటిరెడ్డి వెంకటరెడ్డి, ఎమ్మెల్యే రాజగోపాల్ రెడ్డి అభినందించారు.
