చేవెళ్ల, వెలుగు : పుట్టిన ఊరుకు సేవ చేయడం ఆనందంగా ఉందని పీసీసీ అధికార ప్రతినిధి గౌరీ సతీశ్అన్నారు. కాంగ్రెస్ నేతలు కూడా ముందుకొచ్చి గ్రామ ప్రజల సమస్యల పరిష్కారానికి, అభివృద్ధికి కృషి చేస్తుండాలని కోరారు. గ్రామస్తుల ఇబ్బందుల దృష్ట్యా మొయినాబాద్ మండలంలో నక్కలపల్లి నుంచి తోల్కట్ట చౌరస్తా వరకు తన సొంత నిధులు రూ. 50 వేలతో సోమవారం దగ్గరుండి రోడ్డు మరమ్మతు పనులు చేయించారు. ఈ సందర్భంగా ఆయన మాట్లాడుతూ.. ప్రస్తుతం రాష్ట్రంలో కాంగ్రెస్ ప్రభుత్వం ఆరు గ్యారంటీలు అమలు చేస్తుందన్నారు అతి త్వరలోనే రైతు రుణమాఫీ జరుగుతుందన్నారు.
లబ్ధిదారులందరికీ ప్రభుత్వ సంక్షేమ పథకాలు అందుతాయన్నారు. పీసీసీ సభ్యుడు షాబాద్ దర్శన్, మొయినాబాద్ మండల కాంగ్రెస్ అధ్యక్షుడు తమ్మలి మా‌‌‌‌నయ్య , మండల యువజన కాంగ్రెస్ అధ్యక్షుడు గౌండ్ల నిరంజన్ గౌడ్, కిసాన్ సెల్ అధ్యక్షుడు బొక్క వెంకట్ రెడ్డి, ఫిషర్ మెన్ కమిటీ మండల అధ్యక్షుడు భిక్షపతి ముదిరాజ్, తోల్కట్ట మాజీ సర్పంచ్ బొలిగిద్ద సత్యనారాయణ, నక్కలపల్లి కమిటీ అధ్యక్షుడు గౌరీ రవి, సీనియర్ కాంగ్రెస్ నేతలు పాల్గొన్నారు.
