హైదరాబాద్, వెలుగు: రాజకీయ వివాదాలతో తిరుమల ఆలయ ప్రతిష్ట దిగజార్చొద్దని, ఆయన అందరి దేవుడని టీడీపీ, వైసీపీ లకు పీసీసీ వర్కింగ్ ప్రెసిడెంట్ జగ్గారెడ్డి హితవు పలికారు. రాజకీయంగా ఎన్ని భేదాభిప్రాయాలున్న ఇటువంటి అంశాలను వివాదాలు చేయొద్దన్నారు.
తిరుమలకు అన్ని దేశాల నుంచి కోట్లాది మంది భక్తులు వస్తుంటారని, వారి విశ్వాసాలు దెబ్బతీయొద్దని ఆదివారం పత్రిక ప్రకటనలో జగ్గారెడ్డి కోరారు. భక్తులకు ఆందోళన కలిగించేలా సీఎం చంద్రబాబు ఎందుకు మాట్లాడారో అర్థం కావడం లేదని ఆయన పేర్కొన్నారు.
