జైపూర్, వెలుగు: జైపూర్ మండల కేంద్రంలోని జడ్పీహై స్కూల్ స్టూడెంట్లకు పెద్దపల్లి ఎంపీ గడ్డం వంశీకృష్ణ క్రికెట్ కిట్ అందజేశారు. కొద్దిరోజుల క్రితం ఎంపీ వంశీకృష్ణ మంచిర్యాలలో మార్నింగ్ వాక్ టైమ్లో కలిసిన స్కూల్ ఫిజికల్ డైరెక్టర్ గోపాల్.. స్టూడెంట్ల క్రికెట్ కిట్ అవసరం ఉందని చెప్పారు. స్పందించిన ఎంపీ రెండ్రోజుల క్రితం హైదరాబాద్ లో గోపాల్కు రూ.15 వేల విలువైన క్రికెట్ కిట్ అందజేశారు.
శుక్రవారం క్రికెట్ కిట్ ను హెచ్ఎం.శ్యామ్ స్కూల్ స్టూడెంట్లకు అందచేశారు. హెచ్ఎం మాట్లాడుతూ క్రికెట్ లో రాణిస్తున్న స్టూడెంట్లను ప్రోత్సహించేందుకు వివరాలను ఎంపీ అడిగి తెలుసుకున్నారని ఆన్నారు. కిట్ అందజేసిన ఎంపీకి ధన్యవాదాలు తెలిపారు.
