అకాల వర్షాలతో నష్టపోయిన పెద్దపల్లి జిల్లా రైతులు ఆందోళనకు దిగారు. పెద్దపల్లి అంబేద్కర్ చౌరస్తాలో రాస్తారోకో చేశారు. దాదాపు పది ట్రాక్టర్లలో చేరుకున్న వివిధ గ్రామాల రైతులు.. వానకు పాడైన వరితో రోడ్డుపై బైఠాయించారు. ఆ తర్వాత కలెక్టరేట్ కు చేరుకుని ధర్నా చేశారు బాధిత రైతులు.
రైతుల రాస్తారోకోతో పెద్ద ఎత్తున వాహనాలు నిలిచిపోయాయి. దీంతో పోలీసులు సర్దిచెప్పి ధర్నా విరమింపజేశారు. ఆ తరువాత రైతులతో మాట్లాడిన జాయింట్ కలెక్టర్ వనజాదేవి… ప్రభుత్వానికి నివేదిక పంపామన్నారు. తమకు న్యాయం చేయాలని కోరిన రైతులు.. నష్టపరిహారం ఇవ్వాలని డిమాండ్ చేశారు.
