- రూ.20 వేలు లంచం తీసుకుంటుండగా పట్టివేత
పెద్దపల్లి, వెలుగు: పెద్దపల్లి ఇరిగేషన్ ఏఈ లంచం తీసుకుంటూ ఏసీబీ అధికారులకు దొరికాడు. ఏసీబీ డీఎస్పీ వీవీ రమణమూర్తి తెలిపిన వివరాల ప్రకారం.. పెద్దపల్లి జిల్లా ధర్మారం మండలం దొంగతుర్తికి చెందిన శ్రీనివాస్ యాదవ్ జూలపల్లి మండలంలో రూ.90 వేలతో కెనాల్ పనులు పూర్తి చేశాడు. ఆ పనులకు సంబంధించిన బిల్లుల కోసం కాంట్రాక్టర్ ఏఈ నర్సింగరావును కలిశాడు.
బిల్లు రిలీజ్ కావాలంటే రూ.20 వేలు లంచం ఇవ్వాలని ఏఈ డిమాండ్ చేశాడు. దీంతో కాంట్రాక్టర్ శ్రీనివాస్ ఏసీబీ అధికారులకు ఫిర్యాదు చేశాడు. వారి సూచన మేరకు డబ్బులు తీసుకునేందుకు కలెక్టరేట్ ముందున్న ఓ షాపు వద్దకు ఏఈని రమ్మన్నాడు. అక్కడ కాంట్రాక్టర్ నుంచి డబ్బులు తీసుకుంటుండగా ఏఈని ఏసీబీ అధికారులు రెడ్ హ్యాండెడ్గా పట్టుకున్నారు. దాడుల్లో సీఐ కృష్ణ కుమార్, ఎస్సైలు పున్నంచంద్, తిరుపతి పాల్గొన్నారు..
