- సిటీలో నిరుపయోగంగా పెలికాన్ సిగ్నల్స్
- అవగాహన కల్పించడంలో ట్రాఫిక్ సిబ్బంది నిర్లక్ష్యం
- 3 కమిషనరేట్ల పరిధిలో దాదాపు 70 చోట్ల పెలికాన్ సిగ్నల్స్
హైదరాబాద్, వెలుగు : సిటీ రోడ్లపై జీబ్రా క్రాసింగ్వద్ద ఏర్పాటు చేసిన పెలికాన్సిగ్నల్స్నిరుపయోగంగా మారాయి. అవి ఏమిటో తెలియక పాదచారులు ఉపయోగించుకోవడం లేదు. ట్రాఫిక్ పోలీసులు అవగాహన కల్పించడం లేదు. ట్రాఫిక్సిగ్నల్స్ను ఆటోమేటిక్చేసి వదిలేస్తున్నారు. దీంతో రెడ్సిగ్నల్పడిన దాకా పాదచారులు రోడ్డు దాటుతున్నారు. కొన్నిచోట్ల పెలికాన్సిగ్నల్స్మొత్తానికే పనిచేయడం లేదు. విదేశాల్లో విజయవంతంగా నడుస్తున్న అధునాత పెలికాన్ సిగ్నలింగ్వ్యవస్థను 2023లో హైదరాబాద్ పోలీస్శాఖ, జీహెచ్ఎంసీ సంయుక్తంగా సిటీలో అందుబాటులోకి తెచ్చాయి.
మూడు కమిషనరేట్ల పరిధిలో 70 చోట్ల వీటిని ఏర్పాటు చేశారు. మొదట్లో వీటిని ఆపరేట్చేసేందుకు ట్రాఫిక్వార్డెన్లను నియమించారు. కొన్నాళ్లుగా వారు కనిపించడంలేదు. పెలికాన్సిగ్నల్స్ను ఎలా ఆపరేట్చేయాలో తెలియక జనం వాటిని వినియోగించుకోవడం మానేశారు. రెడ్సిగ్నల్పడే వరకు ఆగుతున్నారు. ఒక్కోసారి రెడ్సిగ్నల్పడినప్పటికీ వాహనదారులు దూసుకొస్తుండడంతో జనం ఇబ్బందులు పడుతున్నారు. ట్యాంక్బండ్పై రెండు, మెహిదీపట్నం, పంజాగుట్ట, దిల్సుఖ్నగర్, ఖైరతాబాద్, హైటెక్సిటీ, మాదాపూర్, సరోజినిదేవి కంటి హాస్పిటల్, ఇతర ప్రాంతాల్లో ఈ పెడస్ట్రియన్ సిగ్నల్స్అందుబాటులో ఉన్నాయి.
ఎలా పనిచేస్తాయంటే..
రద్దీ ప్రాంతాల్లో పాదచారులు సురక్షితంగా రోడ్డు దాటేందుకు ఈ పెలికాన్ సిగ్నల్స్ ను తీసుకొచ్చారు. రోడ్డుకు ఇరువైపులా ఉన్న సిగ్నల్స్పోల్వద్ద వీటిని ఏర్పాటు చేశారు. రోడ్డు క్రాస్చేయాలనుకున్నప్పుడు పెలికాన్సిగ్నల్ బాక్స్పై ఉన్న రెడ్బటన్నొక్కితే రెడ్సిగ్నల్పడుతుంది. సిటీలోని ఏరియాని బట్టి 20 సెకన్ల నుంచి 30 సెకన్ల వరకు రెడ్సిగ్నల్పడుతుంది. ఆ గ్యాప్లో రోడ్డును దాటాల్సి ఉంటుంది. మొదట్లో పెలికాన్సిగ్నల్స్ను ట్రాఫిక్వార్డెన్లు ఆపరేట్ చేశారు.
వాటిని ఎలా ఆపరేట్చేయాలే జనానికి అవగాహన కల్పించకపోవడంతో పెలికాన్ సిగ్నల్స్ఉన్నాయనే విషయం ఎవరికీ తెలియడం లేదు. చేతులు ఎత్తి వెహికల్స్ను ఆపాల్సి వస్తోంది. ఈ క్రమంలో కొందరు ప్రమాదాల బారిన పడుతున్నారు. ఈ సిగ్నలింగ్ వ్యవస్థపై ప్రజల్లో అవగాహన కల్పిస్తే ప్రమాదాల శాతం తగ్గుతాయని నిపుణులు చెబుతున్నారు. పోలీసులు, జీహెచ్ఎంసీ అధికారులు పట్టించుకోవాలని కోరుతున్నారు.
