- దాదాపు 30 మందికి జ్వరాలు
- వైద్య శిబిరం ఏర్పాటు చేసిన వైద్య ఆరోగ్యశాఖ
- వైద్య పరీక్షలు చేసిమందుల పంపిణీ
ఎడపల్లి, వెలుగు: ఎడపల్లి మండలంలోని జానకంపేట్ గ్రామంలో వైరల్ ఫీవర్ తో ప్రజలు బాధ పడుతున్నారు. 20 రోజులుల్లో గ్రామంలో 30 మందికి పైగా వైరల్ ఫీవర్ వచ్చింది. ఇద్దరు పిల్లలు, ఇద్దరు పెద్దలకు డెంగ్యూ వచ్చింది. జ్వరపీడితులు నిజామాబాద్ ప్రైవేటు ఆసుపత్రిలో చికిత్స చేయించుకున్నారు. గ్రామంలో ఓ పాడుబడ్డ బావిలో చెత్తాచెదారంతో వేసి పంచాయతీ సిబ్బంది బావిని పూడ్చుతున్నారు.
దీంతో బావి మురికి గుంటగా మారడటంతో దోమలు వృద్ధి చెందాయని, అప్పటి నుంచి దోమకాటుకు గురై చిన్నాపెద్ద వైరల్ ఫీవర్ బారిన పడుతున్నారని గ్రామస్తులు చెబుతున్నారు. బావిని పూడ్చాలని పంచాయతీ సిబ్బందికి పలుమార్లు విన్నవించినా పట్టించు కోవడంలేదని మండిపడుతున్నారు.
వైరల్ ఫీవర్, డెంగ్యూ కేసుల గురించి తెలిసిన వైద్య ఆరోగ్య శాఖ అధికారులు మంగళవారం గ్రామంలో వైద్యశిబిరం ఏర్పాటు చేశారు. శిబిరంలో జర్వపీడితులకు వైరల్ ఫీవర్, ఇతర వ్యాధి నిర్ధారణ పరీక్షలు చేసి మందులు పంపిణీ చేశారు. వైద్య శిబిరాన్ని జిల్లా వైద్య ఆరోగ్య శాఖ అధికారిణి రాజశ్రీ సందర్శించి వివరాలు తెలుసుకున్నారు.
అనంతరం ఆమె మాట్లాడుతూ గ్రామంలో వైరల్ ఫీవర్స్ ప్రబలకుండా తగిన చర్యలు చేపట్టాలని పంంచాయతీ సిబ్బందిని ఆదేశించారు. గ్రామస్తులు కూడా ఇండ్ల పరిసరాలను పరిశుభ్రంగా ఉంచుకోవాలని సూచించారు. అనారోగ్యానికి గురైతే వెంటేప్రభుత్వఆసుపత్రిలోచికిత్సచేయించుకోవాలన్నారు.
