- జవహర్ నగర్ పీఎస్లో కేసు నమోదు
జవహర్ నగర్, వెలుగు: జవహర్ నగర్ పరిధిలోని కార్మిక నగర్లో వీధి కుక్కలను కొందరు వ్యక్తులు బంధించి, కర్రలతో అతిదారుణంగా కొట్టి చంపడం చర్చనీయాంశంగా మారింది. స్థానికుల సమాచారంతో పోలీసులు బుధవారం ఘటనాస్థలాన్ని పరిశీలించారు. చనిపోయిన మూడు కుక్కలను పోస్టుమార్టం నిమిత్తం ఏరియా హాస్పిటల్కు తరలించారు. నిందితులను ఎన్ కృష్ణ, ఉపేందర్,ఈ కృష్ణ, వెంకటేశ్గా గుర్తించారు. ఘటనపై కేసు నమోదు చేసి దర్యాప్తు చేస్తున్నారు.
