- రోడ్డుపైనే బస్సులు ఎక్కుతున్న ప్రజలు
- ప్రమాదాలు జరుగుతున్నా.. పట్టించుకోని అధికారులు
పద్మారావునగర్, వెలుగు: గాంధీ దవాఖాన వద్ద బస్ షెల్టర్ లేక పేషెంట్లు, సహాయకులు, విజిటర్స్ ఇబ్బందులు పడుతున్నారు. గాంధీ హాస్పిటల్ మెయిన్ గేట్వద్ద భారీ సైజు గాంధీ విగ్రహం నెలకొల్పుతున్న సమయంలో అడ్డుగా ఉందని, బస్సు షెల్టర్‌‌‌‌‌‌‌‌‌‌‌‌‌‌‌‌ను పూర్తిగా తొలగించారు. దీంతో ఎండ, వానలో జనాలు బస్సు ఎక్కడానికి , దిగడానికి కష్టాలు పడాల్సి వస్తున్నది. కొంత కాలంగా గాంధీ హాస్పిటల్ ముందు బస్టాప్ స్థలం వద్ద ప్రైవేట్కార్లు, ఆటోలు పెద్ద సంఖ్యలో పార్కింగ్ చేస్తున్నారు.
దీంతో ప్రయాణికులు నిలబడడానికి కూడా స్థలం లేకుండా పోతోంది. ప్రమాదకర స్థితిలో జనాలు బస్సుల కోసం నడి రోడ్డుపైనే వేచి ఉంటున్నారు. ఇప్పటికైనా ట్రాఫిక్ పోలీసులు, అధికారులు స్పందించి గాంధీ బస్టాప్ ప్రాంతంలో అక్రమంగా పార్క్ చేసే వాహనాలను ఆపకుండా చూడాలని, గతంలో మాదిరిగా బస్సు షెల్టర్‌‌‌‌‌‌‌‌‌‌‌‌‌‌‌‌ను ఏర్పాటు చేయాలని ప్రయాణికులు కోరుతున్నారు.
