- జిల్లాలో 85,197 మందికి బీపీ, 56,269 మందికి షుగర్
- రూరల్ ఏరియాల్లోనే ఎక్కువ మంది బాధితులు
- జాగ్రత్తలు పాటించాలంటున్న నిపుణులు
కామారెడ్డి, వెలుగు: మారిన ఆహార అలవాట్లు, శారీరక శ్రమ లేకపోవడం లాంటి అనేక కారణాలతో బీపీ, షుగర్వ్యాధుల బారిన పడుతున్నవారి సంఖ్య క్రమంగా పెరుగుతోంది. కామారెడ్డి జిల్లాలోనూ ప్రతీ 100 మందిలో 18 మంది బీపీ, 12 మంది షుగర్ తో బాధపడుతున్నట్లు ఇటీవల నిర్వహించిన సర్వే గణాంకాలు చెబుతున్నాయి. రూరల్ ఏరియాల్లోనూ ఎక్కువ మంది ఈ వ్యాధుల బారినపడుతున్నట్లు డాక్టర్లు పేర్కొంటున్నారు. జిల్లాలో 9.72 లక్షల మంది జనాభా ఉండగా, ఇటీవల 4,63,546 మందికి టెస్టులు నిర్వహించారు. ఇందులో 85,197 మంది బీపీ, 56,269 మందికి షుగర్ఉన్నట్లు హెల్త్ డిపార్ట్మెంట్ సిబ్బంది గుర్తించారు.
30 ఏళ్లు దాటిన వారి వివరాలు
జిల్లాలో ఇటీవల ఎన్సీడీ సర్వేలో భాగంగా బీపీ, షుగర్వ్యాధుల బారిన పడుతున్న వారి వివరాలు సేకరించారు. 30 ఏళ్లు దాటిన వారికి టెస్టులు చేసి ఈ వివరాలు తీసుకున్నారు. స్థానిక ఏఎన్ఎం, ఆశా కార్యకర్తలు ఇంటింటికి తిరిగి సర్వే చేపట్టారు. జిల్లాలో 30 ఏళ్లు పైబడిన 4,63,546 మందికి టెస్టులు చేశారు. పీహెచ్సీల వారీగా ఆయా వ్యాధులతో ఇబ్బంది పడుతున్న వారి వివరాలు సేకరించి ఆన్లైన్లో ఎంట్రీ చేశారు. శ్రమ ఎక్కువగా చేసే గ్రామీణుల్లోనూ ఈ వ్యాధిగ్రస్తుల సంఖ్య పెరుగుతుండడం ఆందోళన కలిగిస్తోంది.
పీహెచ్సీల వారీగా ఇలా..
బీపీ, షుగర్ఉన్న వారిలో ఎక్కువ మంది నిజాంసాగర్ పీహెచ్సీ పరిధిలో ఉన్నారు. ఈ ఏరియాలో 7,955 మందికి బీపీ, 4,761 షుగర్ఉన్నట్లు గుర్తించారు. జుక్కల్ పీహెచ్సీ పరిధిలో 6,734 మంది బీపీ, 3,716 మంది షుగర్, డోంగ్లీలో 5,426 మంది బీపీ, 3,588 షుగర్ బాధితులు ఉన్నారు. పెద్దకొడప్గల్లో బీపీ 4,947, షుగర్3,925, అన్నారంలో 1,881బీపీ, 1,468 షుగర్బాధితులను గుర్తించారు. భిక్కనూరులో 3,512 మందికి బీపీ, 2,061 మందికి షుగర్ఉంది. బీబీపేటలో 5,070 బీపీ, 3607 మంది షుగర్బాధితులు ఉన్నారు. బీర్కుర్లో బీపీ 5,444, షుగర్3,702, దేవునిపల్లిలో బీపీ 4,592, షుగర్3,533, ఎర్రాపహాడ్లో బీపీ 3,909, షుగర్2,755, హన్మాజీపేటలో బీపీ 3,960, షుగర్2,528, లింగంపేటలో బీపీ 5,126, షుగర్3,148 ఉన్నారు. మాచారెడ్డిలో బీపీ 3,565, షుగర్1,978, మత్తమాల్లో బీపీ 3,515, షుగర్2,597, నాగిరెడ్డిపేటలో బీపీ 3,013, షుగర్2,425, రాజంపేటలో బీపీ 2,246, షుగర్1,780, రాజీవ్నగర్లో బీపీ 2,175, షుగర్1,429, రామారెడ్డిలో బీపీ 2,479, షుగర్1,521, సదాశివనగర్లో బీపీ 2,635, షుగర్1,529, ఉత్తునూర్లో బీపీ 4,280, షుగర్2,737 కామారెడ్డి అర్బన్లో బీపీ 2,722 మంది, షుగర్1,482 మంది ఉన్నట్లు గుర్తించారు. ఇంకా కొందరు టెస్టులు చేసుకోని వారు కూడా ఉన్నారు.
మారిన అలవాట్లతో వ్యాధులు
కాలానుగుణంగా ప్రజల ఆహార అలవాట్లలో అనేక మార్పుల వచ్చాయి. దీంతో ఎక్కువ మంది బీపీ, షుగర్ లాంటి వ్యాధులతో బాధపడుతున్నారు. జిల్లాలో ఈ వ్యాధులతో బాధపడుతున్నవారి సంఖ్య క్రమంగా పెరుగుతోంది. ఎన్సీడీ సర్వే అందించిన వివరాల ఆధారంగా రోగులకు ప్రతీనెల మందులు అందిస్తున్నాం. జాగ్రత్తలు తీసుకుంటే ముప్పు నుంచి బయటపడొచ్చు.
- డాక్టర్లక్ష్మణ్సింగ్, డీఎంహెచ్వో