అక్కడి బలహీనమైన చట్టాలు..మరణాయుధాలు ఈజీగా దొరకడం హింసను ప్రేరేపిస్తున్నాయి. చిన్న చిన్న కారణాలతో ఏకంగా ప్రాణాలే తీస్తున్నారు. అమాయకులను చంపేస్తున్నారు. గ్రూప్ చాట్ నుంచి తనను తొలగించాడని వాట్సాప్ అడ్మిన్ను ఓ వ్యక్తి దారుణంగా హతమార్చాడు. పవిత్రమైన రంజాన్ మాసంలో కూడా ఇలాంటి దారుణానికి పాల్పడ్డాడు. పాకిస్తాన్ పెషావర్లో జరిగిన ఈ ఘటన సోషల్ మీడియాలో వైరల్ కావడంలో వెలుగులోకి వచ్చింది.
పాకిస్తాన్‌లోని పెషావర్ శివార్లలో గురువారం సాయంత్రం కాల్పులు జరిగాయి. అష్పాక్ అనే వ్యక్తి ముష్తాక్ అనే మరో వ్యక్తిపై తుపాకీతో కాల్పులు జరిపాడు. దీంతో ముష్తాక్ అక్కడికక్కడే చనిపోయాడు. ఈ కాల్పులకు కారణం చాలా చిన్నదే..అయినా దారుణంగా చంపేశాడు.వాట్సాప్ చాట్ నుంచి తనను తొలగించాడని కోపంతో హతమార్చాడు. ఇద్దరం మాట్లాడుకుందాం అని పిలిపించి మరీ కాల్పులు జరిపాడని మృతుని కుటుంబ సభ్యులు ఆరోపించారు.
ALSO READ | ప్రమాదంలో మామ మృతి.. తట్టుకోలేక గుండెపోటుతో కోడలు హఠాన్మరణం
నిందితుడు అష్ఫాక్ ను పోలీసులు అరెస్ట్ చేసి విచారణ చేపట్టారు. ఈ ఘటన సోషల్ మీడియాలో బాగా వైరల్ అయ్యింది. దీంతో నెటిజన్లు విచారం వ్యక్తం చేస్తూ పోస్టులు షేర్ చేశారు. పవిత్ర రంజాన్ మాసంలో ఇటువంటి హింసను చాలామంది నెటిజన్లు వ్యతిరేకించారు. మరణాయుధాలు సులభంగా దొరకడం, పాకిస్తాన్ లో గిరిజన ఆచారాలు, ఆ ప్రాంతంలో చట్టాల అమలు బలహీనం కారణంగా చిన్న వివాదాలు ప్రాణాంతక ఘర్షణలకు దారితీస్తున్నాయని విచారం వ్యక్తం చేస్తున్నారు.
