గోదావరిఖని, వెలుగు : సింగరేణిలో పనిచేసి రిటైర్డ్ అయి, తక్కువ పెన్షన్ పొందుతున్న ఉద్యోగుల పెన్షన్ పెరిగేందుకు కృషి చేయాలని రిటైర్డ్ ఉద్యోగులు హైదరాబాద్ సింగరేణి భవన్లో సింగరేణి గుర్తింపు, ప్రాతినిధ్య సంఘాల లీడర్లు సీతారామయ్య, జనక్ ప్రసాద్కు వినతి పత్రం అందించారు. కోల్ఇండియాతో పాటు సింగరేణిలో చాలా మంది రిటైర్డ్ కార్మికులు తక్కువ పెన్షన్తో బతుకుతున్నారని, ఈ విషయాన్ని జాతీయ స్థాయి లీడర్లతో చర్చించి
కేంద్ర ప్రభుత్వాన్ని ఒప్పించాలని కోరారు. ఈ కార్యక్రమంలో సింగరేణి రిటైర్డ్ ఎంప్లాయిస్ వెల్ఫేర్ అసోసియేషన్ అధ్యక్షుడు దండంరాజు రాంచందర్ రావు, వేణుమాధవ్, బీరయ్య, నర్సింగరావు, కనకయ్య, పూర్ణ ప్రకాశ్, కోల్ మైన్స్ పెన్షనర్స్ అసోసియేషన్ ప్రధాన కార్యదర్శి ఎం. బాబురావు, ఎరబాటి రంగారావు, లక్ష్మారెడ్డి పాల్గొన్నారు.
