సిద్ధిపేట జిల్లా కొండపాక మండలం కమ్మంపల్లిలో దారుణం జరిగింది. లక్ష్మీరాజ్యం అనే వ్యక్తి సొంత బామ్మర్ది కుటుంబంపై పెట్రోల్ పోసి నిప్పటించాడు. ఈ ఘటనలో అయిదుగురికి తీవ్ర గాయాలయ్యాయి. బాధితులందరినీ మొదటగా సిద్ధిపేట ప్రభుత్వ ఆస్పత్రికి తరలించారు. అయితే వారిలో నలుగురి పరిస్థితి విషమంగా ఉండటంతో వెంటనే వారిని హైదరాబాద్‌లోని గాంధీ ఆస్పత్రికి తరలించారు. ఈ ఘటనలో గాయపడిని వారిని రాజు, విమల, పవిత్ర, సునీత, చింటూ, రాజేశ్వరిగా పోలీసులు గుర్తించారు. స్థానికుల సమాచారం మేరకు కుటుంబ గొడవలతోనే లక్ష్మీరాజ్యం ఇంతటి దారుణానికి పాల్పడ్డాడని తెలుస్తోంది. ఈ ఘటన రాత్రి ఒకటి నుంచి రెండు గంటల మధ్య జరిగినట్లు స్థానికులు చెబుతున్నారు. లక్ష్మీరాజ్యం, అతని భార్యకు ఉన్న గొడవల కారణంగా ఆమె పుట్టింట్లోనే ఉంటుంది. కౌన్సిలింగ్ తర్వాత ఇద్దరూ కలిసి ఉంటున్నారు. ఈ మధ్యే మళ్లీ పుట్టింటికి వచ్చిన భార్యకోసం లక్ష్మీరాజ్యం నిన్న అత్త గారింటికి వచ్చాడు. అర్ధరాత్రి దాటిన తర్వాత బామ్మర్ది కుటుంబం మొత్తంపై పెట్రోల్, టర్పంటైల్ పోసి చంపాలని ప్రయత్నించాడు. నిందితుడు కరీంనగర్ జిల్లా గంగాధర మండలం మణికొండకు చెందిన వాడుగా సమాచారం.
