- బంక్ సిబ్బందిని నిలదీస్తే నిర్లక్ష్యంగా సమాధానం
- తార్నాకలో ఆందోళనకు దిగిన బాధిత వాహనదారులు
సికింద్రాబాద్,వెలుగు: నీళ్లు కలిసిన పెట్రోల్ కారణంగా పలు వాహనాలు బ్రేక్ డౌన్ అయ్యాయి. మెకానిక్లకు చూపించగా నీళ్ల పెట్రోల్ తో ఇంజిన్ ఆగిపోయిందని చెప్పగాఅవాక్కైయ్యారు. వెంటనే బంక్వద్దకు వెళ్లి సిబ్బందిని నిలదీస్తే నిర్లక్ష్యంగా సమాధానం చెప్పారు. దీంతో వాహనదారులు ఆందోళనకు దిగిన ఘటన తార్నాకలోని హెచ్పీ బంక్ వద్ద జరిగింది. వివరాల్లోకి వెళ్తే.. లాలాపేట్కు చెందిన రమేశ్ ఆదివారం హెచ్ పీ బంక్ కు వెళ్లి కారులో10 లీటర్ల పెట్రోల్పోయించుకుని వెళ్తుండగా.. సడెన్ గా ఘట్ కేసర్ వద్ద ఆగిపోయింది. మరో వ్యక్తి ఉప్పల్వెళ్తూ కారులో రూ.500 పెట్రోల్కొట్టించుకోగా, హబ్సిగూడ దాటకముందే బ్రేక్ డౌన్ అయింది. ఇ
లా పలువురు వాహనాల్లో పెట్రోల్ పోయించుకుని కిలో మీటరు వెళ్లగానే సడన్ గా ఆగిపోయాయి. దీంతో 25 మంది బాధితులు పెట్రోల్బంక్కు వచ్చి సిబ్బందిని నిలదీయగా.. తమ ఓనర్ దుబాయ్ లో ఉంటాడని నిర్లక్ష్యంగా సమాధానం ఇవ్వడంతో సోమవారం ఆందోళనకు దిగారు. పెట్రోల్బంక్లో మొదటి నుంచి కల్తీ పెట్రోల్అమ్ముతూ వాహనదారులను ఇబ్బందులకు గురి చేస్తున్నారని బీజేపీ మహంకాళి జిల్లా కార్యదర్శి మల్లికంటి వీరన్న ఆరోపించారు. బంక్ను సీజ్చేయాలని హెచ్పీ కార్పొరేషన్కు ఫిర్యాదు చేస్తామని తెలిపారు. చివరకు వాహనదారుల ఆందోళనతో బంక్ మేనేజర్ స్పందించారు. పెట్రోల్ లో వాటర్ కలిసినట్లు గుర్తించామని, కార్లుకు రిపేరు చేయిస్తామని హామీ ఇవ్వడంతో ఆందోళన విరమించారు.
వివాదాస్పదంగా బంక్
బంక్లో గతంలోనూ పలుమార్లు ఇలాగే పెట్రోల్ లో నీరు రావడం, కల్తీ పెట్రోల్, మీటర్ ట్యాంపరింగ్ చేసి తక్కువ పోయడం వంటి ఘటనలు జరిగాయి. బంక్స్థలంపైనా వివాదం చోటు చేసుకోగా.. కోర్టు నుంచి స్టే తెచ్చుకుని నడిపిస్తున్నారు. ఫుట్పాత్ను కూడా ఆక్రమించి బంక్ను నిర్మించినట్లు ఆరోపణలు ఉన్నాయి. దానికి ఆనుకుని ఉన్న స్థలంలో అనుమతి లేకుండా వ్యాపారాలకు అద్దెలకు ఇచ్చారు. బంక్లో ఏదైనా సమస్య వస్తే .. వెళ్లి అడిగితే తమ ఓనర్ దుబాయ్లో ఉన్నాడంటూ సిబ్బంది సమాధానం దాట వేస్తుంటారు. ఇప్పటికైనా తూనికలు కొలతల శాఖ అధికారులు స్పందించి కల్తీ పెట్రోల్, మోసాలకు పాల్పడుతున్న హెచ్ పీ పెట్రోల్ బంక్ నిర్వాహకులపై కఠిన చర్యలు తీసుకోవాలని వాహనదారులు, స్థానికులు డిమాండ్ చేస్తున్నారు.
