హైదరాబాద్, వెలుగు: రాష్ట్రంలో ఎంటెక్, ఎంఫార్మసీ, ఎంఆర్క్, ఎంఈ తదితర కోర్సుల్లో అడ్మిషన్ల కోసం నిర్వహించిన పీజీఈసెట్ ఫలితాలు మంగళవారం రిలీజ్ కానున్నాయి. జేఎన్టీయూలోని అడ్మిషన్ బిల్డింగ్ లో సాయంత్రం 4 గంటలకు విద్యాశాఖ ముఖ్య కార్యదర్శి బుర్రా వెంకటేశం, హయ్యర్ ఎడ్యుకేషన్ కౌన్సిల్ చైర్మన్ ప్రొఫెసర్ లింబాద్రి రిజల్ట్ విడుదల చేస్తారని పీజీఈసెట్ కన్వీనర్ అరుణ కుమారి తెలిపారు. ఈ నెల 10 నుంచి 13 వరకూ ఆన్ లైన్ లో జరిగిన పరీక్షలకు మొత్తం 22,712 మందికి గానూ.. 20,626 మంది అటెండ్ అయ్యారు.
