హసన్ పర్తి, వెలుగు : నిబంధనలను విరుద్ధంగా పీహెచ్ డీ సీట్లను భర్తీ చేసిన మాజీ వీసీ రమేశ్, రిజిస్ట్రార్ శ్రీనివాస్ రావు, ఇంజినీరింగ్ డీన్ మంచాల సదానందంపై క్రిమినల్ కేస్ పెట్టి కఠిన చర్యలు తీసుకోవాలని, పీహెచ్డీ ఆశావాహ విద్యార్థులు డిమాండ్ చేశారు. ఈ మేరకు సోమవారం పీహెచ్ డీ సీట్ల భర్తీపై కేయూ రిజిస్టర్ తో విద్యార్థులు వాగ్వాదానికి దిగారు. అనంతరం రిజిస్ట్రార్ కు వినతిపత్రం అందజేశారు.
ఈ సందర్భంగా విద్యార్థులు మాట్లాడుతూ క్యాటగిరి-1లోనే కాకుండా అన్ని విభాగాల్లో ఖాళీగా ఉన్న సీట్లను భర్తీ చేయాలన్నారు. రెండో లిస్ట్ ప్రకటించాలని ఇన్చార్జి కరుణ ఆదేశించినప్పటికీ డీన్లు సీట్లు అమ్ముకుంటున్నారని ఆరోపించారు. వారిపై శాఖా పరమైన చర్యలు తీసుకోవాలని డిమాండ్ చేశారు. కార్యక్రమంలో ఎండీ పాషా, మట్టెడ కుమార్, మందా భాస్కర్, మోతె రాజు, విద్యార్థులు తదితరులు పాల్గొన్నారు.
