జగిత్యాల జిల్లాలో ప్రజావాణి కార్యక్రమం జరిగింది. ఈ కార్యక్రమంలో కలెక్టర్ దరఖాస్తులను స్వీకరించారు. బుగ్గారం మండలం మద్దూరు మండలానికి చెందిన మంజుల నారాయణ అనే వ్యక్తి తన ఐడీలు మార్చి కొంతమంది రూ. 20 లక్షలు లోన్ తీసుకున్నారని ఫిర్యాదు చేశారు.2018 లో ఓ ప్రైవేట్ బ్యాంక్ లో గుర్తుతెలియని వ్యక్తులు ఓ ప్రైవేట్ బ్యాంకులో తన ఆధార్ కార్డులో ఫొటో మార్చి లోన్ తీసుకున్నారని ఫిర్యాదు చేశారు. నేరగాళ్లు పేరు.. పుట్టిన తేది, చిరునమాలను అలానే ఉంచి కేవలం ఫొటో మాత్రమే మార్చారు.
అయితే మంజుల నారాయణ సిబిల్ స్కోరు తగ్గిందని బ్యాంకుకు వెళ్లడంతో తన పేరున ఉన్న లోన్ విషయం బయటపడిందని ఫిర్యాదులో పేర్కొన్నారు. దీంతో సైబర్ క్రైం అధికారులకు ఫిర్యాదు చేశానని.. వారు స్పందించలేదంటూ.. కలెక్టర్ ఎదుట ఆవేదన వ్యక్తం చేశాడు.
