కొండపాక(కుకునూర్ పల్లి), వెలుగు : పందుల దొంగలను అరెస్టు చేసి రిమాండ్కు తరలించినట్లు ఏసీపీ పురుషోత్తం తెలిపారు. సోమవారం కుకునూర్ పల్లి పీఎస్లో వివరాలు వెల్లడించారు. కొడకండ్ల, కుక్కునూరు పల్లి, వర్గల్, గౌరారం, వర్గల్, అంగడి కిష్టాపూర్, మిట్టపల్లి గ్రామాల్లో గత నెల రోజుల నుంచి 200 పందులకు పైగా చోరీ జరిగినట్లు కంప్లైంట్వచ్చిందన్నారు. సోమవారం ఉదయం వెలికట్ట అడ్డ రోడ్డు వద్ద పోలీసులు వాహన తనిఖీలు నిర్వహిస్తుండగా పందులను తరలిస్తున్న వాహనాన్ని ఆపారు.
వాహనంలో ఉన్న భద్రాద్రి కొత్తగూడెం జిల్లాకు చెందిన మూడ సురేశ్ (32), నల్గొండ రాము(32) , మెడ వీరన్న (26), నల్గొండ వీరన్న (26) ను అదుపులోకి తీసుకొని విచారించగా దొంగతనం చేసినట్లు ఒప్పుకున్నారు. నిందితుల నుంచి రూ.75 వేల నగదు, అశోక్లేలండ్వాహనాన్ని స్వాధీనం చేసుకున్నట్లు పేర్కొన్నారు. కాగా మరో ఇద్దరు నిందితులు నూనె రమేశ్, షాదుల్ల పరారీలో ఉన్నట్లు ఏసీపీ వెల్లడించారు.
