పినపాక, వెలుగు: ఏజెన్సీ యాక్ట్ ను అతిక్రమించి తహసీల్దార్ సస్పెండ్ అయ్యారు. వివరాల్లోకి వెళితే.. ఖమ్మం జిల్లా పినపాక మండలం ఏడూళ్ల బయ్యారం రెవెన్యూ గ్రామ సర్వే నం. 17/ఏఏ లో 30 కుంటలు, సర్వే నం.18లో ఎకరం భూమికి తలెత్తిన వివాదంపై కలెక్టర్ కోర్టులో గిరిజనేతరులు మధ్య కేసు నడుస్తోంది. పినపాక తహసీల్దార్ తోట సూర్యనారాయణ ఏజెన్సీ యాక్ట్–1959, 1/70కు విరుద్ధంగా గిరిజనేతరుడైన పట్టాదారు భూమిని వేరొకరికి పార్టిషన్చేశారని అందిన ఫిర్యాదుతో భద్రాద్రి కొత్తగూడెం కలెక్టరు జితేశ్వి పాటిల్ఎంక్వైరీ చేయించారు.
తహసీల్దార్రూల్స్ అతిక్రమించారని తేలింది. దీంతో మంగళవారం తహసీల్దార్ సత్యనారాయణను సస్పెండ్ చేస్తూ కలెక్టర్ ఉత్తర్వులు జారీ చేశారు. మరోవైపు పినపాక తహసీల్దారుగా వచ్చినప్పటి నుంచి సత్యనారాయణ పరిష్కరించిన ఫైళ్లను మొత్తం పరిశీలన చేయాలని పలు గిరిజన సంఘాల నేతలు డిమాండ్ చేస్తున్నారు.
