తమిళ హీరో హీరో శ్రీరామ్, ఖుషీ రవి జంటగా వచ్చిన లేటెస్ట్ హారర్ మూవీ పిండం. దర్శకుడు సాయి కిరణ్ దైదా తెరకెక్కించిన ఈ సినిమాలో ఈశ్వరి రావు, అవసరాల శ్రీనివాస్ కీలక పాత్రల్లో నటించారు. టీజర్, ట్రైలర్ తోనే ఆడియన్స్ ను భయపెట్టిన ఈ సినిమా డిసెంబర్ 15న థియేటర్స్ లోకి వచ్చింది. మంచి అంచనాల మధ్య ప్రేక్షకుల ముందుకు వచ్చిన ఈ హారర్ మూవీ ఆడియన్స్ ను భయపెట్టడంలో కొంతమేరకు సక్సెస్ అయ్యింది. దీంతో బాక్సాఫీస్ దగ్గర మంచి విజయాన్ని సాధించింది ఈ మూవీ. అదే రేంజ్ లో కలెక్షన్స్ రాబట్టింది.
ఇక థియేట్రికల్ రన్ ముగించుకున్న పిండం మూవీ ఓటీటీ రిలీజ్ కు సిద్దమయ్యింది. ఈ సినిమా డిజిటల్ హక్కులను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకున్న విషయం తెలిసిందే. దీంతో ఈ సినిమాను జనవరి మొదటి వారంలో స్ట్రీమింగ్ చేయనున్నట్లు తెలుస్తోంది. ఈ విషయంపై త్వరలోనే అధికారిక ప్రకటన రానుంది. ఇక ఆడియన్స్ కూడా ఈ సినిమా ఓటీటీ రిలీజ్ కోసం ఈగర్ గా వెయిట్ చేస్తున్నారు. మరి థియేటర్స్ లో మంచి విజయాన్ని అందుకున్న పిండం మూవీ ఓటీటీలో ఎలాంటి రిజల్ట్ ను అందుకుంటుందో చూడాలి.
