- హైడ్రా పేరుతో పేదల మరణానికి కారణమైన రేవంత్నూ అరెస్ట్ చేయాలని వ్యాఖ్య
హైదరాబాద్, వెలుగు : సినీ నటుడు అల్లు అర్జున్ అరెస్ట్ అన్యాయమని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. జాతీయ అవార్డు గెలుచుకున్న స్టార్ హీరోను అరెస్ట్చేయడం ప్రభుత్వ అభద్రతాభావానికి నిదర్శనమని విమర్శించారు. ప్రభుత్వాన్ని తప్పుపడుతూ శుక్రవారం ప్రకటనలు విడుదల చేశారు. తొక్కిసలాట బాధితుల పట్ల తనకు పూర్తి సానుభూతి ఉందని.. కానీ, అసలు తప్పు ఎవరిదని ప్రశ్నించారు.
ఈ అంశంలో అల్లు అర్జున్ అరెస్ట్ న్యాయమైతే.. హైడ్రా పేరుతో పేద ప్రజలను భయపెట్టి, వారి మరణానికి కారణమైన సీఎం రేవంత్ రెడ్డిపైనా కేసులు పెట్టి అరెస్ట్ చేయాలని కేటీఆర్ డిమాండ్ చేశారు.
