- మత్స్య సహకార సంఘం చైర్మన్ పిట్టల రవీందర్
నారాయణపేట, వెలుగు : చేపలను ప్రభుత్వమే కొని మార్కెటింగ్ చేసి లాభాలను మత్స్యకారులకు ఇచ్చే యోచనలో ప్రభుత్వం ఉందని మత్స్య సహకార సంఘం రాష్ట్ర చైర్మెన్ పిట్టల రవీందర్ తెలిపారు. మంగళవారం ముదిరాజ్ మహాసభ ఆధ్వర్యంలో అభినందన సభ నిర్వహించారు. ఈ సందర్భంగా ఆయనమాట్లాడుతూ రాష్ట్రంలోనే నారాయణపేట, మక్తల్లో ముదిరాజ్లు ఎక్కువగా ఉన్నారని తెలిపారు. చెరువుల్లో వదిలే చేపపిల్లల సైజ్, కౌంట్ సరిగా చూసుకోవాలని సూచించారు.
చేపలను దళారులకు అమ్మకుండా, ప్రభుత్వం కొనే ఆలోచన చేస్తుందని తెలిపారు. 18 ఏండ్లు నిండిన వారికి మత్స్య సంఘాల్లో సభ్యత్వం ఇవ్వాలన్నారు. మార్కెటింగ్ సొసైటీలను ఏర్పాటు చేసుకోవాలని సూచించారు. జిల్లా అధ్యక్షుడు సరాఫ్ నాగరాజ్, మత్స్య సంఘం జిల్లా అధ్యక్షుడు కోళ్ల వెంకటేశ్, పాడువల్లి రాములు, హన్మంతు, పుట్టి ఈదప్ప, నర్సింలు నాయుడు పాల్గొన్నారు.
