ఇంట్లో పెట్స్ పెంచుకుంటున్న వాళ్లు ఇండోర్ ప్లాంట్స్ పెంచాలంటే కొన్ని విషయాలు గుర్తుంచుకోవాలి. ఎందుకంటే కొన్ని ఇండోర్ ప్లాంట్స్ వల్ల పెట్స్ హెల్త్ దెబ్బతింటుంది. అందుకే ఏ ప్లాంట్స్ ఇంట్లో పెంచుకుంటే పెట్స్కి హాని కలగదో తెలుసుకుంటే మంచిది కదా! వాటిలో కొన్ని ప్లాంట్స్ ఇవి...
బర్డ్స్ నెస్ట్ ఫెర్న్
ఈ మొక్కల్ని బాత్రూమ్లో పెట్టుకోవచ్చు. తక్కువ సూర్యకాంతి, తేమ ఎక్కువతక్కువ ఉన్నా తట్టుకుని పెరుగుతుంది. వసంత రుతువులో ఈ మొక్కకు నెలకు ఒకసారి ఎరువు వేయాలి. కుండీలో మట్టి పైన పొడిబారినట్టు అనిపించినప్పుడల్లా నీళ్లు పోస్తుండాలి.
రోజ్మేరీ
రోజులో ఆరు గంటలు నేరుగా సూర్యకాంతి అవసరం. నీడలో పెడితే మొక్క పెరగదు. దీన్ని వంటలో వేస్తే మంచి ఫ్లేవర్ ఇస్తుంది. కుక్కలు, పిల్లులు రోజ్మేరీని తిన్నా ఏమీ కాదు.
బ్రోమెలియడ్
ఏ గదిలో పెట్టినా చాలా అందంగా ఉంటుంది. ఒకసారి పూలు పూస్తే కొన్ని నెలలు ఉంటుంది. ఈ పూల మీద నేరుగా ఎండ పడకపోతే చాలు. వీటికి గాలి బాగా కావాలి. ఒకటి లేదా రెండు నెలలకు ఒకసారి నీళ్లు పెట్టాలి.
ర్యాటిల్ స్నేక్ ప్లాంట్
ఈ మొక్క ఆకులు ఆకుపచ్చ రంగులో ఉండి చూసేందుకు వెరైటీగా కనిపిస్తాయి. అందుకే ఈ మొక్కకు ర్యాటిల్ స్నేక్ ప్లాంట్ అనే పేరు వచ్చింది. ఆకుల మీద డిజైన్ బ్రష్ స్ట్రోక్ ప్యాటర్న్లో ఉంటుంది. వీటి మీద నేరుగా లేదా ఇండైరెక్ట్గా ఓ మాదిరి ఎండ పడినా బాగానే పెరుగుతాయి. ఒకటి నుంచి రెండు వారాలకు ఒకసారి నీళ్లు పోయాలి. సర్కాడియన్ రిథమ్ వల్ల సూర్యోదయం, సూర్యాస్తమయం టైంలో ఈ మొక్క ఆకులు పైకి కిందకు కదలడం గమనించొచ్చు.
హవోర్తియా
నెమ్మదిగా పెరిగే నాన్ టాక్సిక్ స.క్కులెంట్ మొక్క. ఐదు అంగుళాలు అంటే 12 సెంటీమీటర్ల వరకు పెరుగుతుంది. దీనికి మినిమల్ కేర్ చాలు. కొన్ని సక్కులెంట్ ప్లాంట్స్లా కాకుండా హవోర్తియా ప్లాంట్ పిల్లులు, కుక్కలకు సేఫ్.
స్పైడర్ ప్లాంట్
ఈ మొక్కలు గాలిని, ఇంటి వాతావరణంలో ఉండే టాక్సిన్స్ను కూడా శుభ్రం చేసేస్తాయి. వీటిని ఇంటిలోపల పెంచడం సులభం. బాగా పెరుగుతాయి. అయితే వీటి మీద ఎండ నేరుగా పడకూడదు.
ఫ్రెండ్షిప్ ప్లాంట్చూడగానే పట్టుకోవాలనిపిస్తుంది.
12 అంగుళాలు అంటే 30 సెంటీమీటర్ల వరకు పెరుగుతుంది. తక్కువ లైట్లో బాగా పెరుగుతుంది. కాకపోతే దీనికి నీళ్లు బాగా అందివ్వాలి.
బోస్టన్ ఫెర్న్
ఈ మొక్క ఆకుల్ని పెట్స్ తిన్నా కంగారుపడాల్సిన పనిలేదు. దీని మెయింటెనెన్స్ కూడా అంతగా ఉండదు. రెండు నెలలకు ఒకసారి దీనికి కావాల్సిన ఫుడ్ పెడితే చాలు.
బేబీ టియర్స్
హ్యాంగింగ్ బాస్కెట్స్కు బేబీ టియర్స్ మొక్క చాలా బాగుంటుంది. ఈ మొక్క ఆకులు కుండీలో మట్టిని కూడా కప్పేస్తాయి. అందుకని పెట్స్ ఈ మొక్క దగ్గరకు వెళ్లి మట్టి తవ్వడం వంటివి చేయవు.
డేట్ పామ్
అరికేషియా కుటుంబానికి చెందిన డేట్ పామ్ ఇండోర్స్లో చాలా బాగా పెరుగుతుంది. ఒకసారి పువ్వులు పూశాక ఏ గదిలో పెట్టినా సెట్ అవుతుంది.
ప్రేయర్ ప్లాంట్
చూడగానే ఆకట్టుకునేలా ఉండే ఈ అందమైన మొక్క పెట్స్ దృష్టిని కచ్చితంగా ఆకర్షిస్తుంది. అలాగని ఈ మొక్క దగ్గరకు పెట్స్ వెళ్తే కంగారుపడాల్సిన పని లేదు.
గ్లోగ్జినియా
అందమైన ఈ మొక్క బ్రెజిల్కు చెందింది. గులాబీ, ఊదా, ఎరుపు లేదా నీలం రంగు షేడ్స్లో ఉంటుంది. వీటి మీద కాంతి నేరుగా పడకూడదు. నీళ్లు కాస్త ఎక్కువసార్లు పోస్తుండాలి. మందమైన ఆకులతో ఉండే మొక్క బొకేలా కనిపిస్తుంది. టేబుల్ మీద సెంటర్పీస్లా పెట్టుకోవచ్చు.
స్టాగ్హోర్న్ ఫెర్న్
నేరుగా కాంతి పడకుండా చూడాలి. ఒకటి లేదా మూడు వారాలకు ఒకసారి నీళ్లు పెట్టాలి. బాత్రూమ్, తేమ ఉండే ప్రాంతాల్లో ఉంచాలి. అలాకూడా మూడు వారాలకు ఒకసారి నీళ్లను స్ర్పే చేయాలి.
ఆఫ్రికన్ వయొలెట్
ఆఫ్రికన్ వయొలెట్ మొక్క పువ్వులు పూస్తుంది. ఊదా, గులాబీ రంగుల కలయికతో అందంగా ఉంటుంది. తక్కువ లైటింగ్ ఉన్నా కూడా పూలు పూస్తుంది. ఓ మాదిరి ఉష్ణోగ్రత, ఓ మాదిరి తేమ ఉన్నా చాలు.
వీనస్ ఫ్లై ట్రాప్
ఈ మొక్క ఆకుల మీద ముళ్లలా కనిపించే కొనలు చూస్తే గుచ్చుకుంటాయి అనిపిస్తుంది. కానీ అవి మెత్తగా ఉండి గుచ్చుకోవు. మొక్కకు వెలుతురు, నీళ్లు కావాలి. అప్పుడే మంచి కండిషన్లో ఉంటుంది.
