పీఎం కిసాన్ సమ్మాన్ నిధి 15 విడత డబ్బుల కోసం లబ్ధిదారులు ఎంతగానో ఎదురుచూస్తున్నారు. తాజా సమాచారం ప్రకారం 15 విడుత డబ్బులు నవంబర్ చివరి వారంలో విడుదలయ్యే అవకాశం ఉంది. 14వ విడతను ఈ ఏడాది జూలైలో ప్రధాని నరేంద్ర మోదీ విడుదల చేశారు. అయితే ఇప్పుడు కేంద్రం.. ఈ పథకం కింద రైతులకు అందించే ఆర్థిక సహాయాన్ని పెంచే యోచనలో ఉన్నట్లుగా తెలుస్తోంది. అయితే ఎంత పెంచనున్నారన్న దానిపై క్లారిటీ రావాల్సి ఉంది.
అన్నదాతలకు ఆర్థిక భరోసా కల్పించేందుకు పీఎం కిసాన్ సమ్మాన్ నిధి పథకాన్ని 2019లో కేంద్ర ప్రభుత్వం ప్రవేశపెట్టింది. ఈ పథకం కింద రైతులకు ప్రతి 4 నెలలకు రూ. 2000 చొప్పున అందించనున్నారు. ఏడాదిలో మూడు విడతలుగా సంవత్సరానికి రూ. 6వేలు అందిస్తున్నారు. ఇప్పటివరకు, పీఎం -కిసాన్ పథకం కింద ప్రభుత్వం మొత్తం రూ. 2.50 లక్షల కోట్లను లబ్ధిదారులకు బదిలీ చేసింది.
నమోదు ప్రక్రియ ఇలా
- పీఎం కిసాన్ యోజన పథకం ఆన్ లైన్ లేదా ఆఫ్ లైన్ లో నమోదు చేసుకోవచ్చు.
- ఇక్కడ కూడా Pradhan Mantri Kisan Samman Nidhi పోర్టల్ కు వెళ్లాలి.
- Farmers Corner క్లిక్ చేయాలి. తర్వాత New Farmers Corner క్లిక్ చేసి ఆధార్ నెంబర్, రాష్ట్రాన్ని ఎంచుకోవాలి.
- captcha codeను టైప్ చేయాలి.
- అనంతరం లబ్దిదారుడి వివరాలను ఎంటర్ చేయాలి.
- బ్యాంకు ఖాతా, వ్యవసాయ సంబంధిత సమాచారాన్ని ఎంట్రీ చేయాలి.
- సబ్మిట్ బటన్ ను క్లిక్ చేయాలి.
- ఆఫ్ లైన్ రిజిస్ట్రేషన్ కోసం సమీపంలో ఉన్న కామన్ సర్వీస్ సెంటర్ (CSC)ను సందర్శించాల్సి ఉంటుంది. అక్కడ ఇచ్చే దరఖాస్తు ఫారం పూర్తి చేయాలి.
పీఎం- కిసాన్ eKYC పూర్తి చేయడం ఇలా...
- పీఎం - కిసాన్ అధికారిక వెబ్ సైట్ (https.//pmkisan.gov.in/)ను సందర్శించాలి.
- కుడి వైపున అందుబాటులో ఉన్న eKYCపై క్లిక్ చేయండి.
- ఆధార్ కార్డు నెంబర్ ను ఎంటర్ చేయాలి. అనంతరం Capcha కోడ్ ను నమోదు చేసి సెర్చ్ పై క్లిక్ చేయండి.
- ఆధార్ కార్డుతో లింక్ చేసిన మొబైల్ నెంబర్ ను ఎంట్రీ చేయాలి.
- Get OTPపై క్లిక్ చేయండి. వచ్చిన OTPని నమోదు చేయాలి.
- అన్ని వివరాలు సరైనవి అయితే.. eKYC ప్రక్రియ పూర్తవుతుంది. ఒకవేళ ఏదైనా సమస్యలు వస్తే.. స్థానికంగా ఉన్న ఆధార్ సేవా కేంద్రాన్ని సంప్రదించాలి.
