హబూబ్నగర్/మిడ్జిల్, వెలుగు: కేంద్రం నుంచి రైతులను నేరుగా పెట్టుబడి సాయం అందించే ‘పీఎం కిసాన్ సమ్మాన్ నిధి’ పోర్టల్ సతాయిస్తోంది. ఈకేవైసీ చేసుకుంటేనే ఈ స్కీం వర్తిస్తుందని సెంట్రల్గవర్నమెంట్షరతు పెట్టిన విషయం తెలిసిందే. ఈ నెల 31 వరకే గుడువు విధించడంతో మీసేవ, ఇతర ఆన్‌‌‌‌లైన్ సెంటర్ల వద్ద క్యూ కడుతున్నారు. అయితే దేశంలోని రైతులందరూ ఇదే సర్వర్‌‌‌‌‌‌‌‌ను వినిగియోగిస్తుండడంతో సైట్ఓపెన్ కావడం లేదు. ఓపెన్ అయినా ఆధార్‌‌‌‌‌‌‌‌కు ఫోన్ నెంబర్ లింక్ ఉంటేనే ఈకేవైసీకి ఆప్షన్ వస్తుండడంతో ప్రాసెస్ లేట్ అవుతోంది.
11 విడత డబ్బుల కోసం..
2018లో కేంద్ర ప్రభుత్వం పీఎం కిసాన్ సమ్మాన్ స్కీంను తీసుకొచ్చింది. 10 ఎకరాలలోపు ఉన్న రైతుల ఖాతాలో ఏడాదికి రూ.6 వేలు జమ చేస్తోంది. ఈ ఏడాది 11వ విడతకు ఏర్పాట్లు చేస్తున్న కేంద్రం.. ఆన్లైన్లో ఈ-కేవైసీని అప్డేట్ చేసుకుంటేనే డబ్బులు అకౌంట్లలో వేస్తామని స్పష్టం చేసింది. మార్చి చివరి వారం నుంచి htpp//pmkisan.gov.in/ పోర్టల్ద్వారా ఈ-కేవైసీని అప్డేట్ చేసుకోవాలని సూచించింది. రైతు ఆధార్ కార్డుకు మొబైల్ నంబర్లింక్ ఉంటేనే ఈ-కేవైసీ చేయడానికి వీలవుతుంది. లింక్ లేని వారికి కామన్ సర్వీస్ సెంటర్లలో బయోమెట్రిక్ ద్వారా ఈ-కేవైసీ పూర్తి చేసే ఆప్షన్ కల్పించారు. కానీ, బయోమెట్రిక్ సర్వర్ కూడా పని చేయడం లేదు. దీంతో ఆధార్, మీ-సేవా సెంటర్ల వద్ద రైతులు క్యూ కడుతున్నారు.
అందరూ ఒకేసారి చేయడం వల్లే..
మార్చి, ఏప్రిల్, ఈ నెల మూడో వారం వరకు తెలంగాణ జిల్లాల్లో రైతులు వడ్ల సెంటర్ల వద్దే బిజీగా ఉండిపోయారు. ప్రస్తుతం కాంటాలు పూర్తవడంతో పీఎం సమ్మాన్ నిధి కోసం ఈ-కేవైసీని అప్డేట్ చేసుకుంటున్నారు. కానీ, దేశంలోని రైతులు మొత్తం ఇదే సైట్ద్వారా ఈ-కేవైసీని అప్డేట్చేసుకుంటుండటంతో ఫుల్బిజీగా ఉంది. ఓపెన్ అయినా ఎక్కువ సేపు ఉండటం లేదు. ఉదయం తొమ్మిది గంటల నుంచి సాయంత్రం ఏడు గంటల వరకు ఇలాగే సతాయిస్తోంది. రాత్రి తొమ్మిది గంటల సైట్ పనిచేస్తున్నా.. అప్పటికే మీ-సేవ, ఆధార్ సెంటర్లు మూసి వేస్తున్నారు.
60 శాతం రైతులు అప్డేట్ చేసుకోలే..
ఈ-కేవైసీ అప్డేట్ చేసుకోవడానికి ఇంకా ఆరు రోజుల టైమ్‌ మాత్రమే ఉంది. అంతలోపు ఈ-కేవైసీని అప్డేట్చేయకుంటే, రైతుల ఖాతాలో ఈ స్కీం డబ్బులు పడవు. పాలమూరు జిల్లాలో ఇప్పటి వరకు కేవలం 40 శాతం మంది రైతులే ఈ-కేవైసీని అప్డేట్ చేసుకున్నట్లు వ్యవసాయ శాఖ లెక్కలు చెబుతున్నాయి. జిల్లాలో మొత్తం 1.05 లక్షల మంది ఈ స్కీంకు అర్హులుగా ఉన్నారు. వీరిలో మంగళవారం నాటికి 45,758 మంది ఈ-కేవైసీ చేసుకున్నారు. అందులో 3,630 మంది ఇన్ ఎలిజబుల్గా ఉన్నట్లు వ్యవసాయ శాఖ లెక్కలు చెబుతున్నాయి.
సైట్ వస్తలేదంటున్నరు..
ఈ సారి మోడీ పైసలు పడాలంటే ఏదో ఈ-కేవైసీ చేయించాలంటున్నరు. నా ఆధార్ కార్డుకు ఫోన్ నెంబర్ లింకు లేదు. ఈ-కేవైసీ చేయనీకే మీ-సేవ సెంటర్ల చుట్టూ తిరుగుతున్న. సైట్ వస్తలేదని చెబుతున్నరు. ఆధార్ సెంటర్కు పోయి ఫోన్ నంబర్ లింక్ చేయించుకొని రమ్మని చెబుతున్నరు. అక్కడ కూడా ఇదే పరిస్థితి ఉంది. -నర్సయ్య, వల్లభురావుపల్లి, మిడ్జిల్ మండలం
లోడ్ ఎక్కువ అవుతోంది..
దేశం మొత్తంగా ఒకటే సైట్ ఉంది. అందరూ ఒకే సారి ఓపెన్ చేయడం వల్ల లోడ్ పడుతోంది. దీంతో ఓపెన్ కావడం లేదు. ఉదయం నుంచి రాత్రి వరకు ఇదే పరిస్థితి ఉంది. రాత్రి తొమ్మిది గంటల తర్వాత మాత్రం నార్మల్గా ఓపెన్ అవుతోంది. డెడ్లైన్ ఈనెల 31వ తేదీ వరకు ఉంది. ఎక్స్టెంట్ చేసే విషయంపై మాకు ఎలాంటి సమాచారం రాలేదు. – బి.వెంకటేశ్, అగ్రికల్చర్ ఆఫీసర్, పాలమూరు
ఇవి కూడా చదవండి
ప్లంబర్ శైలజ ఇన్స్పిరేషనల్ జర్నీ..
తరగని ఆస్తినంతా దానం చేసి ఏం చేస్తున్నారంటే..
