- రాష్ట్ర హోదాపై సీఎం ఒమర్ ప్రశ్నకు పరోక్ష సమాధానం
- జమ్మూ కాశ్మీర్దేశానికి కిరీటం.. అదెప్పుడూ అందంగా ఉండాలి
- గాందర్బల్ జిల్లాలో జడ్ మోడ్ టన్నెల్ను ప్రారంభోత్సవంలో మోదీ
శ్రీనగర్: జమ్మూ కాశ్మీర్కు తాను ఇచ్చిన ప్రతి హామీని నెరవేరుస్తానని ప్రధాని మోదీ స్పష్టం చేశారు. సరైన సమయం వచ్చినప్పుడు సరైన పనులన్నీ జరుగుతాయని అన్నారు. ప్రధాని మోదీ అన్ని హామీలు నెరవేరుస్తున్నారని, ఇదే క్రమంలో జమ్మూ కాశ్మీర్కు ప్రత్యేక రాష్ట్ర హోదా హామీని కూడా తీరుస్తారని తాను విశ్వసిస్తున్నట్టు సీఎం ఒమర్అబ్దుల్లా చేసిన వ్యాఖ్యలపై మోదీ పరోక్షంగా స్పందించారు.
ప్రతిదానికి ఓ సరైన సమయం ఉంటుందని జవాబిచ్చారు. సోమవారం జమ్మూకశ్మీర్‌ లో మోదీ పర్యటించారు. ఇక్కడి గాందర్బల్ జిల్లాలో నిర్మించిన జడ్–-మోడ్ టన్నెల్ను ప్రారంభించారు. అనంతరం టన్నెల్ లోపలికి వెళ్లి పరిశీలించారు. ప్రాజెక్టు అధికారులతో ముచ్చటించారు. టన్నెల్ను పూర్తి చేయడానికి కఠినమైన పరిస్థితుల మధ్య పనిచేసిన కార్మికులను కలిశారు. ఆయన వెంట జమ్మూ కాశ్మీర్ లెఫ్టినెంట్‌ గవర్నర్ మనోజ్ సిన్హా, సీఎం ఒమర్ అబ్దుల్లా, కేంద్రమంత్రి నితిన్‌ గడ్కరీ తదితరులున్నారు.
జమ్మూ కాశ్మీర్ సుభిక్షంగా ఉండాలి
దేశానికే జమ్మూ కాశ్మీర్ కిరీటమని, అది ఎప్పుడూ అందంగా, సుభిక్షంగా ఉండాలని ప్రధాని మోదీ అన్నారు. జమ్మూ కాశ్మీర్లో శాంతియుత వాతావరణం నెలకొన్నదని, పర్యాటకంపై దాని ప్రభావాన్ని చూశామని అన్నారు. అభివృద్ధి కొత్త పుంతలు తొక్కుతున్నదని చెప్పారు. కాశ్మీర్ లోయను త్వరలోనే రైలుతో అనుసంధానిస్తామని, దీనిపై దేశ ప్రజలందరూ ఉత్సాహంగా ఉన్నారని అన్నారు. నిరుడు అక్టోబర్ 20న ఇక్కడి టన్నెల్ సమీపంలో జరిగిన ఉగ్రదాడిలో మరణించిన ఏడుగురికి మోదీ నివాళులర్పించారు.
చీకట్లో నుంచి బయటకు తెచ్చారు: ఎల్జీ సిన్హా
జమ్మూ కాశ్మీర్ను ప్రధాని మోదీ నిరాశ అనే చీకటినుంచి బయటకు తెచ్చారని, ఉజ్వల భవిష్యత్తుకు మార్గాన్ని వేశారని లెఫ్టినెట్ గవర్నర్ మనోజ్సిన్హా అన్నారు. జమ్మూ కాశ్మీర్ చరిత్రలోనే జడ్–మోడ్ టన్నెల్ ఓ కొత్త అధ్యాయానికి నాంది పలుకుతుందని చెప్పారు. కాగా, టన్నెల్ను ప్రారంభించినందుకు ప్రధాని మోదీకి జమ్మూ కాశ్మీర్ సీఎం ఒమర్ అబ్దుల్లా కృతజ్ఞతలు తెలిపారు. రాష్ట్ర హోదా హామీని కూడా ప్రధాని మోదీ త్వరలోనే నెరవేరుస్తారనే నమ్మకం తనకుందన్నారు.
జడ్–మోడ్ టన్నెల్ ప్రత్యేకతలివే..
జడ్మోడ్ టన్నెల్ను జమ్మూకాశ్మీర్లోని శ్రీనగర్– లేహ్నేషనల్ హైవేపై సోన్మార్గ్ ప్రాంతంలో దీన్ని నిర్మించారు. రూ. 2,700 కోట్ల వ్యయం చేశారు. సముద్ర మట్టానికి 8,650 అడుగుల ఎత్తులో, 6.4 కిలో మీటర్ల పొడవుతో నిర్మించారు. 2015లో ప్రారంభమైన నిర్మాణ పనులు గతేడాది పూర్తయ్యాయి. దీనివల్ల సోన్‌‌‌‌‌‌‌‌మార్గ్‌‌‌‌‌‌‌‌కు పర్యాటకుల రాకకూడా పెరగనున్నది.
