ప్రజలకు ఎలా దగ్గరవ్వాలో ప్రధాని మోడీకి బాగా తెలుసు. ఎలక్షన్లకు ముందు ఛాయ్ పె చర్చ పేరుతో దేశమంతా లైవ్ వచ్చేలా చూసుకున్నారు. ఆ తర్వాత నెక్ట్స్ జనరేషన్ని టార్గెట్ చేసుకుంటూ ‘పరీక్ష పె చర్చ’ ప్రోగ్రాం తీసుకున్నారు. రెండుసార్లు సక్సెస్ఫుల్గా జరిపిన ఈ ‘చర్చ’ ఇప్పుడు థర్డ్ సెషన్లోకి ప్రవేశించింది. స్టూడెంట్లకు పరీక్షలంటే ఉండే పరేషానీని పోగొట్టడమే ఈ ప్రోగ్రాం ఉద్దేశం. వచ్చే నెల 16న దేశం నలుమూలల స్టూడెంట్లు, పేరెంట్స్తో ప్రధాని మోడీ ఇంటరాక్ట్ అవుతారు.
ప్రధాని నరేంద్ర మోడీ సక్సెస్ఫుల్గా రెండోసారి అధికారంలోకి వచ్చాక… తనకు పాపులారిటీ పెంచిన ప్రోగ్రాంలను వదులుకోవడం లేదు. దానిలో భాగంగానే మూడో విడత ‘పరీక్షా పే చర్చ’ కార్యక్రమాన్ని ప్రధాని మోడీ నిర్వహిస్తున్నారు. స్టూడెంట్లకు పరీక్షలంటే భయం పోగొట్టడం, వాళ్లు ఒత్తిడికి గురి కాకుండా చూడటమే ఈ కార్యక్రమం ప్రధాన ఉద్దేశం. వరుసగా రెండేళ్లు (2018, 2019ల్లో) సక్సెస్ అయిన ఈ ప్రోగ్రాం ఇప్పుడు మూడో ఏడాదిలోకి అడుగుపెట్టబోతోంది. గతంలో నిర్వహించిన తాల్ కటోరా స్టేడియం (న్యూఢిల్లీ)లోనే ‘పరీక్ష పె చర్చ–2020’కూడా నిర్వహించబోతున్నారు. తొమ్మిది, పదో తరగతి స్టూడెంట్లు మాత్రమే ఇందులో పార్టిసిపేట్ చేయడానికి అర్హులు.
అయితే, ఈ కార్యక్రమం సౌత్ ఇండియన్లకు పెద్ద పండుగైన సంక్రాంతి రోజున జరుపుతున్నారు. ఆ రోజు స్కూళ్లన్నింటికీ పొంగల్, సంక్రాంతి సెలవులు ఉంటాయి. అయినప్పటికీ జనవరి 16న ‘పరీక్ష పె చర్చ’ నిర్వహించడానికి అన్ని ఏర్పాట్లు చేస్తున్నారు. గతంలో రెండుసార్లు కేవలం ఢిల్లీకి చెందిన స్టూడెంట్లే పాల్గొన్నారు. ఈసారి దేశంలోని అన్ని ప్రాంతాల స్టూడెంట్లకు అవకాశం కల్పించాలని ప్రధాని మోడీ నిర్ణయించుకున్నారు.
ఈ ఫీచర్స్లో సత్తా చాటిన స్టూడెంట్లను వచ్చే ఏడాది ఢిల్లీలోని తాల్ కటోరా స్టేడియంలో జరిగే ‘పరీక్ష పె చర్చ–2020’ కార్యక్రమానికి సెలెక్ట్ చేస్తారు. ఇలా సెలెక్ట్ అయిన వాళ్లందరూ ప్రధాని మోడీతో ఇంటరాక్ట్ అవ్వచ్చు. పరీక్షలకు సంబంధించిన ఏ అంశంపైనైనా ప్రధాని మోడీకి స్టూడెంట్లు ప్రశ్నలు వేయవచ్చు. చిన్నారులే కాదు వాళ్ల తల్లిదండ్రులు కూడా ప్రధానితో ముఖాముఖిలో పాల్గొనవచ్చు. ఈ ప్రశ్నలన్నింటికీ ప్రధాని మోడీ సమాధానాలిస్తారు.
ఎగ్జామ్స్ రాయబోయే చిన్నారులకు ఈ ఇంటరాక్షన్ ఎంతో ఇన్స్పైరింగ్గా ఉంటుందంటున్నారు ఎక్స్పర్ట్స్. ‘పరీక్ష పె చర్చ–2020’లో దాదాపు రెండు వేల మంది స్టూడెంట్లు, తల్లిదండ్రులు, టీచర్లు పార్టిసిపేట్ చేస్తారని భావిస్తున్నారు. దూరదర్శన్లో ప్రసారమయ్యే ఈ ప్రోగ్రాంను సిక్స్, సెవెంత్ స్టూడెంట్లు చూడాలని ప్రభుత్వం కోరుతోంది. 2019లో జరిగిన కార్యక్రమాన్ని ఎనిమిదిన్నర కోట్లమంది స్టూడెంట్లు దూరదర్శన్లో చూడటం లేదా రేడియోలో వినడం చేశారు. సోషల్ మీడియాలో ‘పరీక్ష పె చర్చ’ కార్యక్రమానికి మంచి స్పందన వచ్చింది. ఆ ఉత్సాహంతోనే 2020 ప్రోగ్రాం కూడా సక్సెస్ అవుతుందని భావిస్తున్నారు.
