వర్ని, వెలుగు: కొందరు లీడర్లు స్వార్థంతో పార్టీని వీడుతున్నారని, వారితో బీఆర్ఎస్కు వచ్చిన నష్టమేమీ లేదని బాన్సువాడ ఎమ్మెల్యే పోచారం శ్రీనివాస్రెడ్డి వాపోయారు. మోస్రాలో కొత్తగా నిర్మించిన రెడ్డి కల్యాణ మండపాన్ని ఆదివారం ఆయన ప్రారంభించారు. ఈ సందర్భంగా మాజీ స్పీకర్ మాట్లాడుతూ..పదవులు శాశ్వతం కాదని, ప్రజలకు సేవ చేయడమే ముఖ్యమన్నారు.
బీఆర్ఎస్ అధికారం కోల్పోగానే, ఇన్నాళ్లు పార్టీ నుంచి పొందిన లబ్ధిని సైతం మరిచి కొందరు పార్టీలు మారడం విచారకరమన్నారు. కార్యకర్తలు అధైర్య పడొద్దని ఎవరికి ఏ అవసరం వచ్చినా అండగా నిలుస్తానన్నారు. అధికార అండతో తమ పార్టీ లీడర్లపై దాడులకు తెగబడితే ఊరుకునేది లేదని హెచ్చరించారు. ప్రోగ్రాంలో మోస్రా జడ్పీటీసీ గుత్ప భాస్కర్‌ రెడ్డి, ఎంపీపీ పిట్ల శ్రీరాములు,చందూరు సర్పంచ్‌ కర్లం సాయిరెడ్డి పాల్గొన్నారు.
