కోటగిరి, వెలుగు: దేశానికి అన్నం పెట్టే స్థాయికి తెలంగాణ ఎదిగిందని స్పీకర్ పోచారం శ్రీనివాస్రెడ్డి పేర్కొన్నారు. సోమవారం నిజాంసాగర్ నుంచి వదిలిన సాగునీటి డిస్ట్రిబ్యూటరీ కెనాల్ 28 ని ఆయన పరిశీలించారు. అనంతరం ఆయకట్టు రైతులతో మాట్లాడి నీటి సరఫరాపై ఆరాతీశారు. చివరి ఆయకట్టు వరకు నీరందేలా చూడాలని అధికారులను ఆదేశించారు. స్పీకర్మాట్లాడుతూ.. నిజాంసాగర్ ప్రాజెక్ట్ చరిత్రలోనే తొలిసారిగా జూన్‌లో నీళ్లు వదిలినట్లు పేర్కొన్నారు.
ALSO READ:దేశంలో ఉల్లి కాదు.. టమాటా కన్నీళ్లు.. కిలో రూ. వంద దాటి పరుగులు
రైతుల శ్రేయస్సు కోసమే సీఎం కేసీఆర్ ఎప్పడూ పరితపిస్తారని అన్నారు. వరి ఉత్పత్తిలో తెలంగాణ పంజాబ్ ను వెనక్కి నెట్టి నెంబర్వన్గా నిలిచిందన్నారు. జడ్పీ కో ఆప్షన్ మెంబర్ సిరాజ్, కిశోర్ బాబు, మండల సర్పంచుల ఫోరం అధ్యక్షుడు పత్తి లక్ష్మణ్ తదితరులు ఆయనతో ఉన్నారు.
