నారాయణపేట, వెలుగు: నారాయణపేట జిల్లాలో పోక్సో కేసులో నేరస్థుడిగా రుజువైన వ్యక్తికి 20 ఏండ్లు జైలు శిక్ష పడింది. కోర్టు లైజనింగ్ ఆఫీసర్ బాలకృష్ణ తెలిపిన వివరాల ప్రకారం.. దామరగిద్ద మండలం సజనాపూర్కు చెందిన కొంకలి ఆనంద్ స్థానికంగా ఉండే బాలిక(15)కు ప్రేమ పేరుతో మాయమాటలు చెప్పి పలుమార్లు అత్యాచారానికి పాల్పడ్డాడు. బాలిక గర్భం దాల్చడంతో విషయం తల్లిదండ్రులకు తెలిసింది. 2021, డిసెంబర్22న బాలిక తల్లి ఆనంద్ పై పోలీసులకు ఫిర్యాదు చేసింది.
అప్పటి ఎస్సై గోవర్ధన్ కేసు నమోదు చేయగా, సీఐ శ్రీకాంత్రెడ్డి చార్జ్షీట్ వేశారు. నారాయణపేట జిల్లా కోర్టు విచారణ చేపట్టింది. నేరం రుజువు కావడంతో ఆనంద్ కు 20 ఏండ్లు జైలు శిక్షతోపాటు రూ.21వేల జరిమానా విధిస్తూ జడ్జి మహ్మద్రఫీ తీర్పు ఇచ్చారు. అలాగే బాధితురాలికి రూ.5 లక్షల నష్టపరిహారం ఇవ్వాలని ఆదేశించారు.
