- అత్తాపూర్ ఏరియాలో నడుస్తున్న తతంగం
- మాటువేసి పట్టుకున్న స్థానికులు
గండిపేట్, వెలుగు: ఫ్యాక్టరీల సిబ్బంది మూసీలో కెమికల్స్ డంప్చేస్తున్నారు. ఫ్యాక్టరీల నుంచి కెమికల్స్తీసుకువచ్చి లారీలను అడ్డుపెట్టి మరీ నదిలోకి పైపులైన్వేసి ఈ తతంగం నడిపిస్తున్నారు. కొన్నేండ్లుగా షాద్‌నగర్, బాలానగర్‌తో పాటు ఇతర ప్రాంతాల నుంచి లారీలు అత్తాపూర్ సమీపంలోని మూసీకి తెల్లవారుజామున చేరుకుంటున్నాయి. రోజుకు ఐదు నుంచి 10 వరకు లారీల్లో కెమికల్స్ తీసుకువచ్చి.. ఎవరికీ కనిపించకుండా కొన్ని లారీలను అడ్డుపెట్టి పైపులైన్వేసి నదిలో కలుపుతున్నారు. 20 వేల లీటర్ల కెమికల్డంప్చేయడానికి లారీల యజమానులు ట్రిప్‌కు రూ.25 వేలు తీసుకుంటున్నారు.
ఈ కెమికల్స్లో హైడ్రో క్లోరిడ్‌, ఇతర యాసిడ్స్ఉంటున్నాయి. ఇది గుర్తించిన కొందరు స్థానికులు సోమవారం అర్ధరాత్రి మాటువేశారు. తెల్లవారుజామున కెమికల్స్తో వచ్చిన లారీలను పట్టుకున్నారు. రాజేంద్రనగర్‌ పోలీసుల దృష్టికి తెచ్చారు. ఆరేండ్ల నుంచి ఈ దందా కొనసాగుతుందని స్థానికులు అంటున్నారు. కాగా, మూసీ నదిలో కెమికల్స్ కలుపుతున్నారన్న ఫిర్యాదు వచ్చిందని, బాధ్యులందరిపై కఠిన చర్యలు తీసుకుంటామని రాజేంద్రనగర్‌ ఇన్‌స్పెక్టర్‌ కాస్ట్రో వెల్లడించారు.
