న్యూఢిల్లీ: గ్యాంగ్‌‌స్టర్‌ లారెన్స్‌ బిష్ణోయ్ తమ్ముడు అన్మోల్ బిష్ణోయ్ ను పోలీసులు అరెస్టు చేశారు. సోమవారం అమెరికాలోని కాలిఫోర్నియాలో అన్మోల్‌‌ను పోలీసులు అదుపులోకి తీసుకున్నారు. కొన్ని నెలల క్రితం బాలీవుడ్‌ హీరో సల్మాన్ ఖాన్ ఇంటి బయట కాల్పుల ఘటన సహా పలు కేసుల్లో అన్మోల్ పై ఆరోపణలు ఉన్నాయి.
2022లో హత్యకు గురైన పంజాబ్‌ గాయకుడు సిద్ధూ మూసేవాలా కేసులో అనుమానితుడిగా ఉన్నాడు. ముంబైలో సంచలనం సృష్టించి న బాబా సిద్దిఖీ హత్య కేసులోను ఆరోపణ లు ఎదుర్కొంటున్నాడు. అన్మోల్‌‌ను భారత్‌ కు రప్పించే ప్రక్రియను ప్రారంభించేందుకు అనుమతి కోరుతూ స్పెషల్ కోర్టులో ముంబై పోలీసులు ఇటీవల పిటిషన్ దాఖలు చేశారు.
దీంతో అతడిపై నాన్‌‌బెయిలబుల్‌ వారెంట్‌ జారీ అయ్యింది. ఇంటర్ పోల్ కూడా రెడ్ కార్నర్ నోటీసు జారీ చేసింది. ఈ క్రమంలో అమెరికా పోలీసులు అతడిని తాజాగా అదుపులోకి తీసుకున్నారు.
