జవహర్‌‌నగర్‌, వెలుగు : గంజాయి తరలిస్తున్న నలుగురు వ్యక్తులను సికింద్రాబాద్‌, మల్కాజ్‌‌గిరి ఎస్‌‌వోటీ పోలీసులు అరెస్ట్ చేశారు. నిందితుల వద్ద11. 5 కిలోల గంజాయితో పాటు 4 సెల్ ఫోన్లు, 2 కార్లు స్వాధీనం చేసుకుని.. జవహర్ నగర్ పోలీసులకు అప్పగించారు.
మేడ్చల్‌ జిల్లా జవహర్‌‌నగర్‌ లోని గోశాల వద్ద గంజాయి తరలిస్తున్న నలుగురు వ్యక్తులను బుధవారం పోలీసులు అదుపులోకి తీసుకొని విచారించగా.. ఒడిశా నుంచి సిటీకి గంజాయి సరఫరా చేస్తున్నట్లు అంగీకరించారు. ఒడిశాకు చెందిన సదన్, సర్కార్, బిశ్వాస్, సికిందర్ ఘోష్ గా గుర్తించారు. కేసు దర్యాప్తు చేస్తున్నట్టు జవహర్ నగర్ పోలీసులు తెలిపారు.
