- ఆ వీడియో ఏడాది కిందటిదని తేల్చిన పోలీసులు.. రెండు రోజుల కిందే పోస్టింగ్
- ఐటీ కారిడార్ రోడ్లపై బైక్రేస్లు, స్టంట్లు చేసిన వారిపై 15 కేసులు
- 203 బైకులు, 3 కార్లు స్వాధీనం
గచ్చిబౌలి, వెలుగు: ఐటీ కారిడార్రోడ్లపై ఫైర్క్రార్స్ తో బైకులపై స్టంట్లు వేస్తున్నట్లు సోషల్మీడియాలో వైరల్అయిన వీడియో పాతదని రాయదుర్గం పోలీసులు గుర్తించారు. రామాంతపూర్ కు చెందిన సమీర్గతేడాది నవంబర్లో బైక్పై స్టంట్లు వేస్తూ వీడియో తీసుకుని ‘వండర్స్ స్పోర్స్’ అనే ఇన్స్టాగ్రామ్అకౌంట్లో పోస్ట్చేశాడు. ఆ వీడియోను షాబాజ్అనే యువకుడు డౌన్లోడ్చేసుకుని ఇటీవల తన ఇన్స్టా అకౌంట్అయిన ‘ఎండీ షాబాజ్ ఖాన్46’లో పోస్ట్చేసి వైరల్చేశాడు. గుర్తించిన రాయదుర్గం పోలీసులు షాబాజ్, సమీర్ పై కేసు నమోదు చేశారు.
ఇద్దరిని అదుపులోకి తీసుకుని, స్టంట్లు వేసేందుకు వినియోగించిన బైక్ను సీజ్ చేశారు. అలాగే ఐటీ కారిడార్ రోడ్లపై బైకులతో ప్రమాదకరంగా స్టంట్లు వేస్తూ, రేసింగ్స్ కు పాల్పడుతున్న వారిపై సైబారాబాద్ పోలీసులు కఠిన చర్యలు చేపట్టారు. ఇప్పటివరకు మొత్తం 15 కేసులు నమోదు చేశారు. ఇందులో 203 బైకులను, 3 కార్లను స్వాధీనం చేసుకున్నారు. ఆ వాహనాలను ఆర్టీఏ అధికారులకు అప్పగించారు.
