- 12 తులాల గోల్డ్, 52 వేల క్యాష్ స్వాధీనం
సికింద్రాబాద్, వెలుగు: జల్సాలకు అలవాటుపడిన ఓ యువకుడు ఈజీ మనీ కోసం చోరీలకు పాల్పడుతూ కార్ఖానా పోలీసులకు చిక్కాడు. అతని నుంచి రూ.10లక్షల విలువైన12 తులాల బంగారు ఆభరణాలు, రూ.52 వేల నగదును స్వాధీనం చేసుకున్నారు. తిరుమలగిరి ఏసీపీ రమేశ్, ఇన్స్పెక్టర్ రామకృష్ణ తెలిపిన వివరాల ప్రకారం.. బోయిన్పల్లి మహాత్మనగర్ లో ఉండే ఎర్పులగాల్వ కల్యాణ్ కుమార్(30) కొరియర్బాయ్గా పనిచేస్తున్నాడు. జల్సాలకు అలవాటుపడిన కల్యాణ్ఈజీ మనీ కోసం చోరీలు స్టార్ట్చేశాడు.
పనిలో భాగంగా పగటిపూట బయటికి వెళ్లినప్పుడు తాళాలు వేసి ఉన్న ఇండ్లలో చొరబడి దొరికినకాడికి దోచేస్తున్నాడు. గత నెల 29న అల్వాల్ ఏరియాలోని శ్రీనివాస్ నగర్ కాలనీకి వెళ్లాడు. అక్కడి రెండు అంతస్తుల బిల్డింగ్లో చొరబడ్డాడు. మొదట గ్రౌండ్ఫ్లోర్లోని ఇంట్లో, తర్వాత ఫస్ట్ఫ్లోర్లోని రెండు ఇండ్లలో మొత్తం రూ.32 వేలు చోరీ చేశాడు. ఈనెల 5న కార్ఖానా ఓల్డ్ వాసవీ నగర్చోళస్ రెసిడెన్సీ నాలుగో అంతస్తులోని ప్లాట్కు వెళ్లాడు.
తాళం పగలగొట్టి బీరువాలోని బంగారు, వెండి ఆభరణాలు ఎత్తుకెళ్లాడు. బాధితుల ఫిర్యాదుతో కేసు నమోదు చేసిన కార్ఖానా పోలీసులు సీసీ ఫుటేజీల ఆధారంగా కల్యాణ్ కుమార్ ను పట్టుకున్నారు. 12 తులాల బంగారు ఆభరణాలు, రూ.52 వేల నగదును స్వాధీనం చేసుకున్నారు.
