ఎల్బీనగర్, వెలుగు: పేదలకు అందించాల్సిన రేషన్ బియ్యాన్నిమార్కెట్లో విక్రయిస్తున్న ముఠా సభ్యులను ఎల్బీనగర్ పోలీసులు ఆదివారం అరెస్టు చేశారు. పోలీ సులు తెలిపిన వివరాల ప్రకారం.. పట్నం సుబ్బారాయుడు(25), విస్లావత్ వెంకటేశ్(20) అనే ఇద్దరు ఎల్బీనగర్, ఎన్టీఆర్ నగర్ ప్రాంతాల్లో ప్రజల నుంచి నేరుగా రేషన్ బియ్యం కొనుగోలు చేసి, పిండి మిల్లు వ్యాపారి మునగాల వెంకటపతి(22)కి విక్రయిస్తుంటారు.
ఇతను బియ్యం వ్యాపారులకు విక్రయిస్తూ సొమ్ము చేసుకుంటాడు. ఈ క్రమంలో రెండు క్వింటాళ్ల రేషన్ బియ్యం సేకరించి, విక్రయించడానికి సిద్ధంగా ఉంచు కున్నారు. పక్కా సమాచారం తెలుసుకున్న ఎల్బీనగర్ పోలీసులు ముగ్గురిని అదుపులోకి తీసుకుని,2 క్వింటాళ్ల రేషన్ బియ్యాన్ని స్వాధీనం చేసుకున్నారు. పోలీసులు వీరిపై కేసు నమోదు చేసి దర్యాప్తు చేస్తున్నారు.
