సికింద్రాబాద్, వెలుగు: రైస్పుల్లింగ్ పేరుతో రూ.25 లక్షల మోసానికి పాల్పడిన ముఠాను నార్త్జోన్టాస్క్ఫోర్స్, మహంకాళి పోలీసులు అరెస్టు చేశారు. సికింద్రాబాద్ఓల్డ్ అల్వాల్కు చెందిన పగిడిమర్రి శివ సంతోశ్ కుమార్(43), ఏపీ చిత్తూరు జిల్లాకు చెందిన గుల్లూరు మంజునాథ్ రెడ్డి (38), బెంగుళూరుకు చెందిన ప్రతాప్ఎస్ఆర్అలియాస్ రవీందర్ ప్రసాద్ (44) కలిసి రాణిగంజ్కు చెందిన శశికాంత్ను కలిశారు. రాగి పాత్ర చూపించి దీనికి అతీత శక్తులు ఉన్నాయని, ఇందులో డబ్బులు పెడితే రెట్టింపు అవుతాయని నమ్మబలికారు. ఈ పాత్రను డీఆర్డీఓలో మాత్రమే ప్రత్యేకంగా తయారు చేస్తారని, కొనుగోలు చేయాలంటే రూ. 25 లక్షలు చెల్లించాలని సూచించారు.
పాత్ర నాణ్యతను కూడా డీఆర్డీఓలో స్కానర్ ద్వారా టెస్టింగ్ చేయించి అందజేస్తామన్నారు. ఇది నమ్మిన శశికాంత్ఈ నెల 6న సికింద్రాబాద్ రాణిగంజ్లోని బాంబే హోటల్ లైన్లో శివ సంతోశ్ కుమార్ను కలిసి రూ.25 లక్షలు చెల్లించాడు. అయితే, డీఆర్డీఓ స్కానర్ కూడా ఇవ్వాలని అడగడంతోమరో రూ.23 లక్షలు చెల్లించాలని, అప్పుడే రైస్పుల్లింగ్ చేయగలరని చెప్పాడు. దీంతో తాను మోసపోయానని గ్రహించిన శశికాంత్ మహంకాళి పోలీసులకు ఫిర్యాదుచేశాడు. దీంతో మహంకాళి సీఐపరశురామ్, టాస్క్ ఫోర్స్సీఐ సైదులు తమ టీమ్లతో కలిసి నిందితులను సికింద్రాబాద్లో అరెస్టు చేశారు. రూ.25లక్షల నగదు, మరో రూ.2 లక్షల విలువ చేసే ఏడు సెల్ఫోన్లు, రాగి పాత్రను స్వాధీనం చేసుకొని, నిందితులను రిమాండ్కు తరలించారు.
