- బచ్చన్నపేటలో గంజాయి కలకలం
- ఒడిశా నుంచి ముంబైకి రైలులో తరలిస్తున్న వ్యక్తి అరెస్ట్
- 19 కిలోల గంజాయి పట్టుకున్న జనగామ జిల్లా పోలీసులు
బచ్చన్నపేట,వెలుగు: ఓ వ్యక్తి గంజాయి తీసుకెళ్తూ జనగామ జిల్లా పోలీసులకు పట్టుబడ్డాడు. బచ్చన్నపేట పోలీసులు తెలిపిన వివరాలు ఇలా ఉన్నాయి. ఒడిశాలోని గజపతి జిల్లా సబల్పూర్గ్రామానికి చెందిన నభా కిశోర్ పాయక్ బుధవారం 9 ప్యాకెట్లలో రూ.4.75 లక్షల విలువైన 19 కిలోల ఎండు గంజాయిని ముంబైకి రైలులో తీసుకెళ్తున్నాడు.
జనగామకు వెళ్లగానే అతడు పోలీసులను చూసి భయపడి రైలు దిగి పారిపోయి ఆటోలో వచ్చి తమ్మడపల్లి బస్టాండ్వద్ద దిగాడు. ముందస్తు సమాచారంతో పోలీసులు అక్కడికి వెళ్లగా కిశోర్ పరుగు తీస్తుండగా వెంబడించి పట్టుకొని విచారించగా గంజాయి బయట పడింది. నిందితుడిపై కేసు నమోదు చేసి దర్యాప్పు చేస్తున్నట్లు ఎస్ఐ హమీద్తెలిపారు.
