- అనుమానితులపై దాడులు చేస్తే యాక్షన్ తప్పదు
- వదంతులను తిప్పికొట్టడానికి అవగాహనా కార్యక్రమాలు
- పోలీస్ కమిషనర్ కల్మేశ్వర్ సింగన్వార్
నిజామాబాద్, వెలుగు : జిల్లాలో పిల్లలను కిడ్నాప్చేసే గ్యాంగులు తిరుగుతున్నాయన్న ప్రచారాన్ని ప్రజలెవరూ నమ్మొద్దని పోలీస్ కమిషనర్ కల్మేశ్వర్కోరారు. కిడ్నాప్ల దుష్ప్రచారాన్ని తిప్పికొట్టడానికి కాలేజీలు, స్కూల్స్లో అవగాహనా కార్యక్రమాలు నిర్వహిస్తామని, విలేజీల్లోనూ ఈ ప్రోగ్రామ్స్చేపడతామన్నారు. సోమవారం ఆయన తన ఛాంబర్లో మీడియా సమావేశంలో మాట్లాడారు. జిల్లాలో మూడు చోట్ల పిల్లల మిస్సింగ్కేసులు నమోదు కాగా ఛేదించామన్నారు. ఈ ఘటనల వెనుక గ్యాంగులు ఉన్నాయనే ప్రచారంతో ప్రజలు అనుమానితులపై దాడులు చేస్తున్నారన్నారు. అనుమానాలుంటే పోలీసులకు తెలపాలే గానీ భౌతిక దాడులు చేయొద్దన్నారు.
వీడీసీలపై వ్యతిరేకత లేదు
విలేజ్ డెవలప్మెంట్కమిటీలపై తమకు ఎలాంటి వ్యతిరేకత లేదని సీపీ స్పష్టం చేశారు. తప్పు చేసిన వారి సమాచారాన్ని సంబంధిత గవర్నమెంట్ఆఫీసర్లకు తెలపాలే గానీ, జరిమానాలు విధించడం, కుల బహిష్కరణలు చేయడం కరెక్ట్ కాదన్నారు. అలాంటి వారిపై యాక్షన్ తీసుకుంటామన్నారు. జిల్లాలో ట్రాఫిక్ కంట్రోల్కు చర్యలు తీసుకుంటున్నట్లు తెలిపారు.
మత్తు పదార్థాలపై ఉక్కుపాదం
జిల్లాలో గంజాయి తదితర మత్తు పదార్థాలను వినియోగిస్తున్నట్లు గుర్తించామని సీపీ పేర్కొన్నారు. నిషేధిత మత్తు పదార్థాలకు దూరంగా ఉండాలని, ఎక్కడైనా విక్రయాలు చేస్తున్నట్లు తెలిస్తే తమకు సమాచారం ఇవ్వాలన్నారు. బార్, వైన్స్నిర్ణీత టైమ్కు క్లోజ్చేయాలని లేకుంటే, లైసెస్సుల రద్దుకు రెకమెండ్ చేస్తామన్నారు. అర్ధరాత్రి వరకు తెరిచి ఉంచే హోటళ్లు, పాన్షాప్ల సమాచారాన్ని పౌరులు వాట్సాప్ద్వారా తమకు తెలియజేయొచ్చన్నారు.
విదేశీ మోసాలపై పీడీ చట్టం
విదేశాల్లో జాబ్స్ ఇప్పిస్తామని, పాస్పోర్టులు, వీసా గడువు పెంచేలా చేస్తామని మోసగిస్తున్న ఏజెంట్లు జిల్లాలో 50 మంది వరకు ఉన్నారని సీపీ కల్మేశ్వర్ పేర్కొన్నారు. గవర్నమెంట్ పర్మిషన్(లైసెన్స్) లేకుండా కేవలం మోసం చేయడానికి ఏజెంట్ల అవతారమెత్తిన వారికి నోటీసులు జారీ చేశామన్నారు. వారి తీరులో మార్పు రాకుంటే పీడీ చట్టాన్ని ప్రయోగిస్తామన్నారు. కేసులు నమోదైన ఏజెంట్ల ఫైళ్లను మరోసారి క్షుణ్నంగా పరిశీలిస్తున్నామన్నారు. అడిషనల్ డీసీపీ జయరాం, ట్రైనీ ఐపీఎస్ఆఫీసర్ చైతన్యరెడ్డి, తదితరులు ఉన్నారు.
