ఖమ్మం కార్పొరేషన్, వెలుగు: విజిబుల్ పోలీసింగ్తో పాటు నిరంతర తనిఖీలు నిర్వహించాలని పోలీస్ కమిషనర్ విష్ణు ఎస్ వారియర్ అన్నారు. మంగళవారం పోలీస్ కాన్ఫరెన్స్ హాల్ నేర సమీక్షా సమావేశం నిర్వహించారు. సమీక్షలో సీపీ మాట్లాడుతూ అక్రమ రవాణాను అడ్డుకునేందుకు జిల్లా సరిహద్దుల్లో 6 చెక్పోస్టులను ఏర్పాటు చేశామన్నారు. ఏసీపీలు తరచూ చెక్పోస్టులను సందర్శించాలన్నారు. నేరస్తుల కదలికలపై నిఘా ఉంచాలన్నారు. బ్లాక్స్పాట్స్ను గుర్తించి ప్రమాదాలు జరుగకుండా చర్యలు తీసుకోవాలన్నారు.
ఎన్నికలు సజావుగా జరిగేలా చూడటానికి పోలీసు యంత్రాంగం సిద్దంగా ఉండాలన్నారు. గ్రూప్–4 పరీక్షలకు బందోబస్త్ ఏర్పాటు చేయాలని సూచించారు. ఫంక్షనల్ వర్టికల్ అమలులో ప్రతిభ చూపిన పోలీస్ సిబ్బందికి సీపీ రివార్డులను అందించారు. సమావేశంలో ట్రైనీ ఏఎస్పీ అవినాష్కుమార్, ఏడీసీపీలు సుభాశ్చంద్రబోస్, కుమారస్వామి, ఏసీపీలు బస్వారెడ్డి, ప్రసన్నకుమార్, గణేశ్, రెహమాన్, రామానుజం, వెంకటస్వామి, వెంకటేశ్వర్లు తదితరులు పాల్గొన్నారు.
