హైదరాబాద్: షాద్ నగర్ ఎమ్మెల్యే వీర్లపల్లి శంకర్ వెలమ కులస్తులపై చేసిన వ్యాఖ్యలపై కూకట్ పల్లి బీఆర్ఎస్ఎమ్మెల్యే మాధవరం కృష్ణరావు సీరియస్ అయ్యారు. మొదటి నుంచి ఆయన అహంకారపూరితమైన ధోరణితో మాట్లాడుతున్నారని మండిపడ్డారు. కాంగ్రెస్ పార్టీ పూర్తి బాధ్యత వహించి ఎమ్మెల్యేపై చర్య తీసుకోవాలని డిమాండ్చేశారు.
ALSO READ : హస్తమే దేశానికి రక్ష.. సీఎం రేవంతన్నకు అభినందనలు: ఏపీసీసీ చీఫ్ షర్మిల ట్వీట్
కులాలను కించపరుస్తూ మాట్లాడితే తగిన బుద్ధి చెప్తామని హెచ్చరించారు. వెలమ కులస్తులపై చేసిన వ్యాఖ్యలపై నిరసిస్తూ వెలమ సంఘం నాయకులు కూకట్పల్లిలో ఎమ్మెల్యే శంకర్ దిష్టిబొమ్మను దహనం చేశారు. తాండ్ర పాపారాయుడు విగ్రహానికి పాలాభిషేకం చేసి పూలమాలలు వేశారు. అనంతరం కూకట్ పల్లి పోలీస్ స్టేషన్ లో షాద్ నగర ఎమ్మెల్యే పై ఫిర్యాదు చేశారు.
